+++ Innocentius episcopus servus servorum dei dilectis filiis Bertoldo preposito sancti Rûdberti Salceburgensis ecclesie eiusque fratribus tam presentibus quam futuris canonicam vitam professis imperpetuum.+++ Quotiens a nobis petitur quod religioni et honestati convenire dinoscitur, animo nos decet libenti concedere et petentium desideriis congruum suffragium impertiri. Eapropter, dilecti in domino filii, vestris iustis postulationibus clementer annuimus et prefatam ecclesiam sancti Rûdberti, in qua divino mancipati estis obsequio, ad exemplar felicis recor. lacionis + + + Eugenii + + + et + + + Urbani + + + predecessorum nostrorum Romanorum pontificum sub beati Petri et nostra protectione suscipimus et presentis scripti privilegio communimus, in primis siquidem statuentes, ut ordo canonicus, qui secundum deum et beati Augustini regulam atque ordinationem bone memorie Chûnradi quondam Salzeburgensis archiepiscopi in eodem loco institutus esse dinoscitur, perpetuis ibidem temporibus inviolabiliter observetur. Preterea quascumque possessiones quecumque bona eadem ecclesia impresentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis prestante domino poterit adipisci, firma vobis vestrisque successoribus et illibata permaneant, in quibus hec propriis duximus exprimenda vocabulis: Locum ipsum, in quo prefata vestra ecclesia sita est, cum omnibus pertinenciis suis, salinam in Tuual a bone memorie Chûnrado primo Salceburgensi archiepiscopo ad usus communes ecclesie vestre concessam. Sancimus etiam, ut nullus de loco, in quo statuti estis, vos audeat amovere aut super vos ordinem alterius professionis inducere. Sane novalium vestrorum, que propriis manibus vel sumptibus colitis sive de nutrimentis animalium vestrorum decimas a vobis nullus extorquere presumat. Liceat quoque vobis clericos vel laicos e seculo fugientes liberos et absolutos ad conversionem recipere et eos sine contradictione aliqua retinere. Prohibemus insuper, ut nulli fratrum vestrorum post factam in eodem loco professionem nisi arctioris religionis optentu sine prioris sui licentia fas sit ab eodem loco discedere, discedentem vero absque communium litterarum cautione nullus audeat retinere. Cum autem generale interdictum terre fuerit, liceat vobis clausis ianuis exclusis excommunicatis et interdictis non pulsatis campanis suppressa voce divina officia celebrare. Obeunte vero te nunc eiusdem loci preposito vel tuorum quolibet successorum nullus ibi qualibet subreptionis astutia seu violentia preponatur, nisi quem fratres communi consensu vel fratrum pars consilii sanioris secundum dei timorem et beati Augustini regulam providerint eligendum. Nulli etiam episcopo licentia pateat angarias vel alias novas exactiones canonice quieti et religioni contrarias vobis vel ecclesie vestre imponere. Prohibemus ergo^a), ut nullus vestre ecclesie advocatus alium pro se substituere vel vos iniustis vexationibus fatigare presumat. Decernimus ergo, ut nulli omnino hominum liceat prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus fatigare, sed omnia integra conserventur eorum, pro quorum gubernatione et sustentatione concessa sunt, usibus omnimodis profutura, salva sedis apostolice auctoritate et diocesani episcopi canonica iustitia. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, nisi reatum suum congrua satisfactione correxerit, potestatis honorisque sui careat dignitate reamque se divino iudicio existere de perpetrata iniquitate cognoscat et a sacratissimo corpore et sanguine dei et domini nostri Iesu Christi aliena fiat; cunctis autem eidem loco sua iura servantibus sit pax domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inveniant. ++ Amen, amen, amen. ++||
R^b) Ego^c) Innocentius catholice ecclesie episcopus ss. M^d)||
+ Ego Petrus Portuensis et sancte Rufine episcopus ss. ||
+ Ego Iohannes^a) Albanensis episcopus ss.||
+ Ego^e) Hug(o) presbiter cardinalis sancti Martini tituli Equitii ss. ||
+ Ego Gencius sanctorum Iohannis et Pauli presbiter cardinalis tituli Pamachii ss. ||
+ Ego^f) Gregorius sancte Marie in porticu diaconus cardinalis ss. ||
+ Ego Gregorius diaconus sancti Georgii ad velum aureum ss. ||
+ Ego Gregorius diaconus cardinalis sancti Angeli ss. ||
+ Ego Benedictus diaconus cardinalis sancte Marie in Donnica^g) ss. ||
+ Ego Matheus sancti Theodori diaconus cardinalis ss. ||
+ Ego Iohannes sancte Romane ecclesie diaconus cardinalis ss.||
Dat. Lateran. per rnanum Rainaldi^h) Acherontin. archiepiscopi ||
cancellarii vicem agentis, II kal. octobr., indict. IIII^a, incarnationis dominice||
anno M°CC°, pontificatus vero domni ++ Innocentii ++ pape III anno tertio.

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 1-2.