Fridericus dei gracia dux Austrie et Stirie et dominus Carniole omnibus hanc litteram inspecturis imperpetuum. Quamvis tocius ecclesie teneamur intendere libertati, maxime tamen hiis particularibus ecclesiis, quas gracia speciali amplectimur et favore benivolenciam nostram impendere volumus fructuosam. Pateat igitur universis, quod nos capitulo maioris ecclesie Salzburgensis, cui pro multis receptis beneficiis tenemur in devotione operis respondere, hanc indulsimus libertatem, ut vinum suum et alia victualia, que sibi consueverunt in partibus Austrie provenire, tam per aquarum transitus quam per viarum districtus dominii nostri libere devehant ac deportent ita, quod nulla muta seu theloneum nullaque prorsus exactio, quocumque nomine censeatur, occasione vel pretextu illorum victualium requiratur. Et ut hec nostre libertatis donatio non possit ab aliquo in posterum irritari, presentem litteram in testimonium durabile canonicis ecclesie memorate porrigimus sigilli nostri karactare^a) insignitam ad maiorem etiam concesse gratie firmitatem. Testes, qui aderant, iussimus subnotari, qui sunt hii: venerabilis pater et dominus noster Eberhardus archyepiscopus Salzburgensis, Rudegerus episcopus Patauiensis, Heinricus episcopus Sekoensis, Liuprandus archidyaconus Karinthie, Liupoldus plebanus de Heimburch, Vlricus plebanus de Chirchberch, Chunradus de Hardeke, Otto de Ortenburch, Willehalmus de Hvnenburch, Vlricus de Phannenberch, comites Chvnradus de Hintberch, Heinricus de Liehtenstein, Heinricus de Hakenberch, Otto de Haselove, Otto de Perhtoldesdorf, Heinricus de Habspach, Otto de Chvngesberch, Fridericus de Bettove, Liutoldus et Vlricus fratres de Wildonya, Ditmarus et Vlricus fratres de Liehtenstein et alii quam plures.||
Datum ap(ud) Ivdenburch, anno ab carnatione^b) domini M°CC°XL°, VIII° kal. sept., XIII^e indictionis.||
SD.^c)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 511.