In nomine sancte et individue trinitatis. Eberhardus dei gratia Salzburgensis ecclesie archiepiscopus, apostolice sedis legatus, imperpetuum. Cum religiosorum quieti et domino famulantium ratione officii episcopalis intendere debeamus, quorum orationibus tam in vita quam in morte domino credimus commendari, maxime autem hiis, qui patronis ecclesie nostre, cui licet immeriti presidemus, die noctuque vigiliis et orationibus famulantur, presenti scripto notum facimus tam presentibus quam futuris nos dilectis in Christo fratribus preposito et capitulo nostro medietatem fori in Taemswich in Longou^a) cum omni iure, quo illud conparavimus a domino Haertnido de Betto/vwe¹⁾ in areis silvis pratis et pascuis necnon cum omnibus utilitatibus et serviciis, que ex eo tam in presenti quam in futuro poterunt provenire, propter devotionem ipsorum et canonicum ordinem, cui laudabiliter inserviunt, liberaliter contulisse, ut quies ipsorum et tranquillitas augeatur in provincia, que dicitur Longou^a), ubi maior pars possessionum suarum consistit et ut de nostra ipsis collata gracia suos colonos et predia^b) melius ibidem valeant defensare. Ut autem hec nostre liberalitatis donatio robur optineat firmitatis, presentem eis paginam dedimus sigilli nostri munimine communitam. Huius rei testes sunt: Vlricus venerabilis electus Sekowensis, Vlricus episcopus Lauenden(sis), magister H(einricus) prepositus Trabergen(sis), H(ertwicus) prepositus sancti Virgilii, magister Perhtoldus de Liserekke, dominus W(lfingus) de Stu/obenberch, dominus H(ertnidus) de Betto/vwe, dominus D(itmarus) de Wizzenekke, dominus H(artungus) de Libenz, H(einricus) de Pru/onning, K(arolus) de Pebening^c), et alii quam plures. Datum in Frisacii^d), anno domini M°CC°XL°VI°. S.^e)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 644.