++ Fridericus ++ dei gratia Rom(anorum) rex semper augustus et rex Sicilie fidelibus suis Ratisponensis, Pattaviensis, Frisingensis Brixinensis ecclesiarum episcopis et ducibus Bawarie, Austrie et Styrie et Carinthie et omnibus comitibus et nobilibus illarum terrarum gratiam suam et omne bonum. Noverit omnium vestri industria, quod nos inspectis privilegiis antecessorum nostrorum imperatorum et regum videlicet Heinrici IIII^ti1) nec non et pie recordationis avi nostri F(riderici)²⁾ et H(einrici) patris nostri³⁾ et O(ttonis) quarti⁴⁾ privilegia Salzpurgensis ecclesie secundum continenciam predictorum privilegiorum duximus renovanda, presertim ea, que ius Salzpurgensis ecclesie tribuunt in ecclesia Gurzensi. Cognovimus enim ex predictis privilegiis Gurzensem ecclesiam Salzpurgensi ecclesie in temporalibus esse subiectam, in receptione videlicet investiture regalium et hominio, quod episcopi eiusdem ecclesie archiepiscopo Salzburgensis ecclesie facere debent. Cognovimus etiam ex predictis, quod quando ministeriales ecclesie Gurzensis episcopo suo noviter instituto fidelitatis faciunt iuramentum, solum archiepiscopum Salzpurgensem excipiunt in eodem imperio pretermisso. Nos vero predicta privilegia et ius huiusmodi ratum habentes auctoritate regia confirmamus et vobis districte precipiendo mandamus, quatenus Salzpurgensi ecclesia contra quemlibet contradictorum auxilio vestro assistatis et ei ius suum, quod ex certa cognitione nostra ipsi ecclesie et ex predictis privilegiis donationibus et sentenciis recognoscimus acquisitum, ubicumque opus fuerit, defendatis.||
Dat. apud Augustam, anno domini M°CC°XIIII, indict. II, VIIII kalend. marcii.||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. 184.