Vrbanus episcopus seruus seruorum dei, vniuersis Christi fidelibus presentes litteras inspecturis, salutem et apostolicam benedictionem. Splendor paterne glorie, qui sua mundum illuminat ineffabili claritate, pia uota fidelium de clemencia ipsius maiestatis sperancium tunc precipue benigno fauore prosequitur cum deuota ipsorum humilitate sanctorum precibus et meritis adiunata. Cupientes igitur ut parrochialis ecclesia fundata et constructa in uilla Fuckla Patauiensis diocesis sub uocabulo et ad honorem sancti Nicolai episcopi et confessoris, cuius jus patronatus ad abbatem et conuentum monasterij sancti Lamperti in Altenburch dicte diocesis dinoscitur pertinere, et per presbiteros seu monachos eiusdem monasterij regitur et . . diuinis officijs gubernatur, ut igitur ibidem per ipsos monachos deo laudabiliter deseruitur et perpetuis futuris temporibus in prefatis officijs diuinis auctore deo deseruietur, presertim cum . . ecclesia maxima indigeat reparacione et pauper existit eciam, ut concursus qui singulis annis fit et longo tempore durauit, in festiuitatibus sancti Nicolai patroni dedicacionis prefate ecclesie congruis honoribus frequentetur, et ut Christi fideles eo libencius causa deuocionis confluant ad predictam ecclesiam, quo ibidem uberioris dono celestis gracie conspexerint sic respectos, . . enim de omnipotentis dei misericordia et beatorum Petri et Pauli apostolorum eius auctoritate confisi omnibus uere penitentibus et confessis, qui in festiuitatibus domini nostri Ihesu Christi, uidelicet Natiuitatis, Circumcisionis, Epyphanie, Pasce resurreccionis, Ascensionis, Penthecostes, Trinitatis et Corporis Cristi, in quinque festiuitatibus gloriose uirginis Marie genitricis omnium redemptorum, uidelicet Assumpcionis, Natiuitatis, Concepcionis, Purificacionis et Annunciacionis, in festiuitatibus sanctorum Johannis Baptiste et Euuangeliste, sanctorum apostolorum, Marie Magdalene, Laurencij, Mauricij, Michaelis, omnium sanctorum, beati Martini, Elyzabeth Katherine, Barbare, Sebastiani, Angnetis, ac festiuitatibus patroni et dedicacionis. moratis nec non inomnibus diebus dominicis, aduentus domini et quadragesime, cene domini et parasceues, deuote uisitauerint et manus ad fabricam dicte ecclesie porrexerint adiutrices, vnum annum et quadraginta dies de iniunctis eis penitencijs misericorditer relaxamus. Nulli ergo omnino hominum liceat hanc paginam nostre gracie infringere uel ei ausu temenario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se nouerit incursurum. Datum Rome apud sanctum Petrum, kalend. May, pontificatus nostri anno tercio.||
N. de Lanazona..

Source Fulltext: BURGER, Urkunden Altenburg (=FRA II/21, 1865) S. 251-252