× Bonifatius × episcopus, servus servorum dei, universis Christi fidelibus presentes litteras inspecturis salutem et apostolicam benedictionem. Licet is, de cuius munere venit, ut sibi a suis fidelibus digne et laudabiliter serviatur, de habundantia sue pietatis, que merita supplicum excedit et vota bene servientibus sibi multo maiora retribuat, quam valeant promereri, nichilominus tamen desiderantes domino reddere populum acceptabilem et bonorum operum seetatorem, fideles ipsos ad complacendum eis quasi quibusdam allectivis muneribus, indulgentiis videlicet et remissionibus invitamus, ut exinde reddantur divine gratie aptiores. Cupientes igitur, ut ecclesia monasterii sancte Marie in Gobico^a ordinis sancti Benedicti Pataviensis diocesis congruis honoribus frequentetur et etiam conservetur et ut Christi fideles eo libentius causa devotionis confluant ad eandem et ad conservationem huiusmodi manus promptius porigant adiutrices, quo ex hoc ibidem doiio celestis gratie uberius conspexerint se refectos, de omnipotentis dei misericordia et beatorum Petri et Pauli apostolorum eius auctoritate confisi omnibus vere penitentibus et confessis, qui in nativitatis, circumcisionis epiphanie resurrectionis ascensionis et coiporis domini nostri Iesu Christi, pentecostes necnon in nativitatis annunciacionis purificationis et assumptionis beate Marie virginis ac nativitatis beati Iohannis baptiste et dictorum Petri et Pauli ac eiusdem ecclesie dedicacionis festivitatibus et celebritate omnium sanctorum necnon per ipsarum nativitatis epiphanie resurrectionis ascensionis et corporis domini ac nativitatis et assumptionis beate Marie necnon nativitatis beati Iohannis et apostolorum Petri et Pauli predictorum festivitatum octavas et per sex dies dictam festivitatem pentecostes immediate sequentes eandem ecclesiam devote visitaverint annuatim et ad huiusmodi conservationem manus porrexerint adiutrices, singulis videlicet festivitatum et celebritatis quinque annos et totidem quadragenas, octavarum vero et sex dierum predictorum diebus, quibus predictam ecclesiam visitaverint et manus adiutrices porrexerint, ut prefertur, centum dies de iniunctis eis penitentiis misericorditer relaxamus. Datum^b Rome apud Sanctum Petrum IIII. nonas iunii, pontificatus nostri anno decimo.^c

Source Fulltext: FUCHS, Göttweig I (=FRA II/51, Wien 1901) S. 793