In nomine sancte et individue trinitatis. Omnibus christi fidelibus presentis etatis et future generationis pax et exultatio multiplicetur in perpetuum. Mundi labentis dignitas cum sit temporalis, caduca et labilis, cautum est omnino et conducibile, gesta salutaria principum scriptis annotare, ut et ipsis eternum cedant ad remedium, et his, in quos aliquid beneficiorum collatum est, ad stabilitatis firmamentum. Hinc est, quod ego Liupoldus dei gratia dux austrie ac stirie uestre notum facio universitati, qualiter beate memorie frater meus Fridericus dux austrie, dum esset in reversione itineris ierosolimitani, ac crebra pulsaretur corporis incommoditate, in qua et sensit divinam pietatem, que flagellat omnem filium, quem recipit, rapere eum uelle, ne malicia mutaret intellectum illius uocatis ad se Wolfgero uenerabili pataviensi episcopo et Eberhardo comite de dorenberc, nec non Meinhardo comite de Go^vrce, comite quoque Vlrico de epan, Chunrado libero de ahusen, Rapotone libero de staine, nec non et reliquis peregrinationis sue sociis nobilioribus secundum pium, quem semper erga fratres sancte crucis gesserat affectum, et corpus et animam orationibus eorum commitere, et locum sibi aput eos eligere decreuit sepulture. Vtque memoria sui aput eundem venerabilem locum omni euo perseveraret, tradidit in manus predicti episcopi et comitum predictorum villam Wecilndorf dictam cum omni iure, quo sibi noscitur deseruisse, super sanctum altare delegandam. Quod, cum michi cercioribus indiciis innotuisset, ueniens in sanctam crucem tam pro anime pie memorie patris mei Liupoldi, et iam dicti fratris mei, nec non et matris mee Helene, auorum, proauorum, parentum atque fidelium omnium felici requie, quam pro mea, ac dilecti patrui mei Hainrici salute, ac ducatus nostri perpetua pace predictam villam cum omni iure, quo michi ac fratri meo noscitur deseruisse, predictis fratribus tercio die ante annuntiationem dominicam, que tunc dominica illuxerat, assensu patrui mei manu propria mediante Ro^vdolfo de Potendorf delegaui. Ne autem sepe dicti fratris mei memoria cordibus eorumdem fratrum facilius elabatur, consilio fidelium nostrorum statuimus, ut refectioni eorum omni quadragesima semel in ebdomada, et in anniuersario fratris mei pisces amministrentur. Preterea per tocius anni circulum omni feria sexta liquor olei pulmentariis eorum addatur. Quicumque vero abbatum, uel officialium hoc nostre devotionis uiolauerit decretum, primo quidem diuinam sese mereri offensam noverit, dein quoque et nostre beniuolentie gratia cariturum, et protectionis munimine non immerito priuandum. Vt autem supradicti fratris nostri tam sancta donatio, nec non et noster, patruique nostri assensus promtissimus debeant omne per euum firma durare, hanc paginam inde fecimus conscribi, fideliumque nostrorum fideli testimonio confirmari. Liutoldus et Cho^vnradus comites de Plaige, O^vlricus de Berneke, Chrafto de amcinsbahc, Wichardus de Seveld et Kadoldus filius ejus, Hademarus de Chunringen, Wichardus de Zebingin, Olricus Struno de Valchenstain et filii ejus O^vlricus et Wernhardus, Rodolfus de Potendorf, Marquardus de Hintberhc, Pilgrimus de Swarzenovve, Hainricus de Tumbenovve, Hainricus de Stritwisin, Hugo de Aigin, Olricus de Chunegesbrunnen, Hainricus de Ro^vtelnstain, Liupoldus pincerna et Hugo frater ejus de Mo^vlansdorf, Wichardus de Mo^vlansdorf, Otto Turse de Ruhenstain, Otto de Acinbrunnen, Albero de Grimmenstain, Hugo de Pergowe. Facta autem sunt hec anno ab incarnacione domini M°CC.°III° Indictione uero VI^a. Anno ducatus nostri in Austria V.° Stirie uero nono. Datum in sancta cruce. VIII. kalendas aprilis, per manus hartungi notarii.

Source Fulltext: WEIS, Heiligenkreuz (=FRA II/11, 1856) S. 31-32