Rv^odolfus dei gratia comes de Rapreswile¹ universis presens scriptum inspecturis salutem et rei geste noticiam. Quoniam singulis fragilis || est memoria nec rerum turbe sufficit, adhibita sunt remedia scripturarum, ne lites iudicio vel concordia terminate in recidive con||tentionis scrupulum relabantur. Noverint igitur universi tam presentes quam posteri, quod, cum Chv^onradus nobilis de Ro^eselichon² con||tulisset monasterio Montis Angelorum³ predium, quod habebat in villa Vinstirse⁴, ob reverentiam gloriose virginis matris crucifixi et in remissionem peccatorum suorum cum omni proprietate possidendum, et cum iam dictum monasterium predium prenotatum longo tempore possedisset libere, tandem propter commodum et utilitatem monasterii prelibati, Heinrici abbatis⁵ et tocius conventus, qui tunc erat, accedente consensu, cum abbate Widone de Capella⁶ et conventu eiusdem loci pro predio in Vinstirse pretaxato aliud predium, quod erat monasterii in Capella apud Gundoltswile⁷, nomine concambii fuit libere collatum monasterio Montis Angelorum sepedicto⁸. Facta autem mutatione huiusmodi firma et rata, sicut adhuc est, coloni⁹ eiusdem predii in Vinstirse, videlicet Chv^onradus et soror eiusdem cum filiis suis, V^olricus^a) Holzach et fratres sui unâ cum heredibus ipsorum, qui de nostra familia esse dinoscuntur, in dicto predio Vinstirse ius hereditarium habere putantes, dicebant se contra iusticiam esse gravatos, quare sepedicto monasterio dampna gravia et molestationes multimodas intulerunt. Cum autem abbas et conventus dicti monasterii se sentirent indebite gravatos, super huiusmodi gravamine coram nobis deposuerunt querimoniam. Nos igitur nolentes talem vexationem et inpeticionem sustinere, de voluntate abbatis et conventus sepefati necnon et hominum predictorum litem eandem taliter statuimus decidendam, quod abbas et conventus Montis Angelorum C. et sorori sue et filiis eiusdem daret pro inpeticione tali XIII libras et X solidos, V^olrico^a) vero Holzach et fratribus eiusdem XXX solidos, ita tamen quod, si iidem decetero vel sui heredes dictum monasterium vexaverint, ipsi nobis ad summam XX librarum singulariter persolvendam sint obligati et nos pro dampnis, si qua fuerint illata a dictis hominibus vel eorum heredibus, teneamur monasterio Montis Angelorum respondere et satisfacere. In cuius rei testimonium presentem paginam fecimus sigilli nostri munimine roborari. Acta sunt hec apud urbem Rapretswilere¹⁰ anno domini M°.CC°.XL°. multis presentibus, quorum nomina subnotantur: Rv^odolfus comes de Rapretswile, Heinricus plebanus¹¹, Heinricus prepositus de Monte Angelorum¹², Hermannus minister, Johannes ab dem Berge¹³, Chv^onradus, V^olricus^a) Holzach et fratres sui de Vinstirse et alii quam plures.

Source Fulltext: Chartularium Sangallense III, Nr. 1283, S. 233.