Waltherus dei gratia abbas¹, Manigoldus decanus², Burchardus prepositus³ totusque conventus monasterii sancti Galli venerabilibus in Christo Adilhaidi magistre cunctisque sororibus religiose domus dicte in || Prato⁴ apud sanctum Gallum salutem ac perseverantem in dei obsequio voluntatem. Cum bonorum omnium propagatrix divina clementia nullius egens et necessaria universis paucitatem vestram sub religionis || habitu domino famulantem adeo multiplicandam duxerit et augendam, ut alicui ordini approbato incorporari merito aspiretis, locus autem, in quo actenus habitastis, non tam quieti monastice quam et future propagationi pro||rsus inexpediens videatur, desiderio habuistis, ad locum aliquem proposito vestro aptiorem pia opitulatione fidelium vos transferre, ubi scilicet a tumultu secularium hominum sequestrate soli deo liberius vacare possitis et rerum etiam temporalium uberioribus dante domino proficere incrementis. At vero divina potentia dives in omnes, sine qua proficere nemo potest, affectum vestrum celitus adiuvando Rv^odolfum de Glateburc cognomento Gielonem⁵ ecclesie nostre ministerialem ac fidelem et Gerdrudim uxorem eius in Christo devotos adeo inspiravit, ut in fundo suo, ubi magis expedire videretur, primitivam illam vestre congregationis plantulam aliquando in collegium et aliquem approbatum ordinem adunandam collocare summo desiderio anhelarent, et quia id efficere nisi nobis mediantibus non valebant, a nobis humiliter postularunt, ut ius patronatus ecclesie in Maggino^vwe⁶ et advocatiam eiusdem cum aliis bonis suis, videlicet curia in Noteshoven^a)7 et alia curia, que Sala⁸ vocatur, et item tercia curia, que dicitur an der Wise⁹, et quodam bono dicto anme Lene¹⁰, quod est situm inter duas vias, quarum altera ducit de Maggino^vwe ad Sala, reliqua vero de Maggino^vwe tendit ad Bu^obintal¹¹, adiectis etiam quibusdam agris et vallibus fruticosis^b), que ad Bu^obintal pertinebant et sita sunt inter Sala et an der Wise, et preterea fundum, in quo positum fuerat castrum, quod dicebatur Helfenberc^c)12, non ultra tamen, quam ipsius castri menia olim comprehenderant, quorum omnium quedam ipsius Gielonis erant propria, quedam etiam tam ipse Gielo quam uxor eius predicta communiter a nobis tenebant in feodo, de manibus eorundem eis voluntarie resignantibus omnino libera resumentes ipsa vobis concedere dignaremur. Et ut monasterium nostrum in hoc casu illesum penitus remaneret, prefatus R. Gielo quedam predia sua, videlicet curiam in Bru^owilar¹³ et curiam in Nuzbo^vm¹⁴ nobis monasterii nostri nomine donavit et ea rursus in feodum a nobis recepit. Nos igitur postulationibus eorundem grato concurrentes assensu necnon et religioni vestre favorem debitum impendentes, cum id non tantum licite, sed etiam pie prorsus ac religiose committamus, non obstante in hoc casu canone aliquo, sed pocius amminiculante^d), ut divini scilicet cultus nominis augeatur, liberam predictorum bonorum resignationem de manibus sepedicti Rv^odolfi Gielonis et Gerdrudis uxoris eiusdem ecclesie nostre ministerialium ac fidelium secundum formam iuris recepimus et ipsa cum integritate sua tibi, dilecta in Christo Adilhaidis magistra, tuisque sororibus communem tecum vitam ducentibus et omnibus vestro deinceps collegio sociandis damus nomine predii censualis, statuentes, ut singulis annis in festo sancti Galli unam libram thuris et unum corporale cenobium vestrum infra predictos terminos collocandum in recognitionem antiqui dominii in possessionibus illis habiti dare monasterio nostro census nomine teneatur. Testes omnium predictorum sunt hii: V^olricus^e) decanus in Rumanshorn¹⁵, Hainr.^f) scolasticus¹⁶, Burch.^g) plebanus in Waltchilche^h)17, Livtoldus plebanus in Watewilar¹⁸, Rv^odolfus plebanus in Wang(en)ⁱ⁾¹⁹, Wernherus plebanus in Ailgo^v20, V^olricus, Wernherus, Hainricus prebendarii sancti Leonardi²¹, Rv^odolfus^k) vicarius sancti Magni²², Livtoldus^l) et Egilolfus vicarii sancti Laurentii²³, V^olricus cappellanus sancti Oswaldi²⁴, Hermannus de Bv^ochorn²⁵ sacerdos, Dietricus de Alstetin²⁶ sacerdos, V^olricus scolasticus¹⁶, B. de Druhburc^m)27 regalis curie iust(iciarius) et Rv^odolfus de Honegge²⁸ frater eiusdem, Hainricus senior et V^olricus de Gutting(en)ⁿ⁾²⁹, Livtoldus de Babing(en)^o)30, Burchardus de Tobil³¹ domini regis camerarius, Hainricus pincerna de Landegge³², Rv^odolfus marscalcus de Valkinstain^p)33, Rv^odolfus de Rorschach³⁴ cum filiis suis, Eberhardus de Bichelnse³⁵, Rv^odolfus de Wilperc³⁶, Hainricus^q) de Rammeswac³⁷, Rv^odolfus dispensator³⁸, V^olricus^e) Blarrarius³⁹ et alii quamplurimi. Ut autem hec permaneant inconvulsa, sigillis nostris presentem paginam roboramus. Acta sunt hec in choro nostro, anno domini M°.CC°.XL.IIII°. tercio non. aprilis, die sancto pasce, indictionis secunde.

Source Fulltext: Chartularium Sangallense III, Nr. 1340, S. 271-273.