In nomine domini amen. Ut rata permaneant, que bona fide et precipue cum personis deo famulantibus contrahuntur, expe||dit ea pro tollendo oblivionis periculo scripture testimonio perennari. Noverint igitur universi presentem paginam inspec||turi, quod Heinricus nobilis de Griessinberg¹ predium suum in Wolfisberg² situm sponte et libere vendidit . . abbatisse et || conventui monasterii de Maggenowe³ Cistertiensis ordinis pro certa pecunie quantitate cum omni iure, quod sibi in ipso predio competebat, ad periculum evictionis dicto monasterio se fideliter astringendo ac renuntiando omni actioni seu exceptioni, per quam prescripta venditio posset impugnari ab aliquo seu aliquatenus irritari. In cuius rei testimonium sigillum suum presenti scripto fecit appendi. Act. inter civitatem Constantiensem et oppidum Gottelubon⁴ in strata publica, adhibita consueta verborum sollempnitate, anno domini MCCLXXIII. XVI. kl. decembr. pontificatus domini Gregorii pape X.^mi anno secundo, presentibus et pro testibus advocatis: nobili viro R. de Wunnenberg⁵, Wezilone marscalco de Blidegge⁶, Rv^odolfo de Tôze⁷, Conr. de Glotun⁸ militibus, item Rv^odolfo Vitz, Walthero Hower, Fr. Sartore, item Conr. Gielone⁹, Bertoldo Blaser, Conr. Zimberman conversis monasterii de Maggenowe et aliis quibusdam.

Source Fulltext: Chartularium Sangallense IV, Nr. 1923, S. 109.