V^olricus dei gratia abbas sancti Galli¹ universis presentium inspectoribus salutem et noticiam subscriptorum. Cum dilectus noster Rv^odolfus miles || de Rorschach² ministerialis monasterii nostri predium situm in Lanchwattun³ priorisse et conventui an dem Brv^ole⁴ apud sanctum Gallum vendiderit⁵ ple||no proprietatis iure, sicut et ipse possidebat, et a nobis humiliter petiverit, ut eidem venditioni preberemus assensum, nos attendentes eiusdem conven||tus devotionem et paupertatem necnon petitionem militis prenotati ob favorem religionis dicti conventus prescripte venditioni facte pro nonaginta quinque marcis puri et legalis argenti ponderis Constantiensis pium prebemus assensum, ita videlicet, ut in signum meri dominii annuatim in festo beati Galli eadem priorissa et conventus duas libras cere custodi nostri monasterii, qui protempore fuerit, sine contradictione persolvat. Datum et actum apud sanctum Gallum presentibus quorum hec sunt nomina: Walth. sacerdos plebanus de Swarcenberch⁶, magister Andreas de Willeberg⁷, Heinricus sacerdos viceplebanus de Rorschach, Otto de Ainwile^a)8 clerici, Rv^odolfus Marscalcus miles⁹, Heinricus et Rv^odolfus fratres dicti Meldelin¹⁰, Gerwigus Pauwarus¹¹, Heinricus dictus Wipfe, Jacobus Plarrer et Heinricus frater suus, Hugo et Cristanus fratres dicti Vo^elin cives oppidi sancti Galli et alii quamplures fidedigni, anno domini millesimo ducentesimo septuagesimo quinto, crastino circumcisionis, indictione tercia. Et ut hec firma et illibata permaneant, presens instrumentum sigillis^b) nostro et conventus de rogatu partium fecimus roborari.

Source Fulltext: Chartularium Sangallense IV, Nr. 1940, S. 117-118.