Rudolfus^a) dei gratia episcopus Constantiensis omnibus Christi fidelibus presentem paginam inspecturis salutem cum sincera in domino karitate. Res geste robur debitum apud posteros sorti||untur, si ipse scribturarum^b) et testium intersigno eorundem memorie^c), prout expedit, declarentur. Noverint igitur omnes et singuli tenorem presentium perlecturi, cum dilectus noster Cv^onr. de Svlzberch || ecclesie nostre minsterialis^b) possessiones suas in Volchartshus¹ sitas in littore iuxta villam Zollinchouen, quas a nobis sive ecclesia nostra tenebat in feodum omaiale, honorandis in Christo . . abbati et || conventui monasterii de Petri domo ordinis sancti Benedicti cum omnibus suis pertinentiis et iuribus tam infra septa quam extra, puta agris, pratis, pascuis, silvis, pomeriis, ortis, aqueductibus, viis, inviis et generaliter omnibus et singulis circumstantiis, quibuscumque censeantur nominibus, pro duodecim marcis et dimidia puri et legalis argenti iuste ac legaliter vendiderit, quod idem ecclesie nostre ministerialis venit ad nos petens humiliter ac devote, ut proprietatem earundem possessionum prefatis abbati et conventui nomine monasterii predicti contradere dignaremur. Nos itaque predictis possessionibus Volchartshus ad manus nostras a prememorato Cv^onr. de Sulzberch nostro ministeriali omni verborum et gestuum sollempnitate, que ad hoc requiri solet, adhibita resignatis necnon recompensatione ipsarum nobis ab eo nomine ecclesie nostre cum quibusdam aliis suis possessionibus, de quibus per nos loco priorum extitit infeodatus, sufficienter prius facta, easdem peticionem prefatam admittendam non inmerito recensentes prescribtis^b) abbati et conventui monasterii de Petri domo omnibusque et singulis in evum suis successoribus in proprium nomine ecclesie nostre duximus contradendas. Ipsique abbas et conventus contraditionem huiusmodi alicuius beneficii lance rependere cupientes, nos omnesque et singulos ecclesie Constantiensis pro tempore episcopos in advocatos sepius dictarum possessionum de ipsis pro iure advocatie modium avene mensure Constantiensis annis singulis de cetero soluturi tam pro se quam pro omnibus suis successoribus perpetuo monasterii sui nomine^d) receperunt. Et ut hec omnia et singula in sui nomine^e) maneant perenniter inconvulsa, nos omni iuris communis aut privati, canonici vel civilis, auxilio et exceptioni litterisque sive indulgentiis quibuslibet a sede apostolica vel aliunde impetratis aut impetrandis necnon occasioni cuivis iuris consuetudinis aut facti tam in genere quam in specie, pretextu cuius prefata nostra contradicio sine quovis ecclesie nostre preiudicio adeo racionabiliter facta a nobis vel ab aliquo nostrorum pro tempore successorum inpeti posset quomodolibet vel cassari, tam pro nobis quam pro eisdem nostris successoribus sine dolo et fraude qualibet renunciantes, multociens dictis abbati et conventui monasterii dePetri domo presens instrumentum dedimus sigillorum nostri ecclesieque capituli nostri robore communitum. Acta sunt hec in choro Constantiensi, presentibus Bvrchardo preposito Episcopaliscelle, Cv^onr. de Villingin, Hainr. dicto de Wigoltingin, magistro Hainr. officiali, Rv^odol. de Hewon canonicis ecclesie nostre, Mangol. de Hewon rectore ecclesie in Stecboron, magistro Walthero de Scaphusa, Peregrino de Scho^enenstain, V^oI. dicto Vbli et V^ol. minstro^b) de Petri domo aliisque quampluribus fide dignis. Anno domini M°CC°LXX°VIIII° IIII kal. octobris indictione VIII. Nos abbas et conventus monasterii de Petri domo ordinis sancti Benedicti profitemur et recognoscimus per presentes, quod nos reverendum in Christo patrem et dominum nostrum Rv^odol. dei gratia episcopum Constantiensem omnesque et singulos perpetuo successores suos in advocatos supradictarum possessionum Volchartshus sitarum in littore iuxta villam Zollinchouen nobisque ab eodem domino nostro episcopo in proprium contraditarum recepimus, de eisdem possessionibus pro iure advotie^f) modium avene mensure Constantiensis quemadmodum in nos sponte recepimus, annis singulis de cetero soluturi, unde in testimonium huius nostrum sigillum, quo in communi utimur, presentibus duximus appendendum.

Source Fulltext: Chartularium Sangallense IV, Nr. 2036, S. 202-203.