Universis Christi fidelibus presentibus et futuris, ad quos presentes pervenerint, . . divina permissione abbas et conventus || monasterii de Ruthi^a)1 ordinis | Premonstratensis Constantiensis dyocesis necnon . . abbatissa ac conventus cenobii in Wurm||spach² ordinis Cistertiensis eiusdem dyocesis subscriptorum | noticiam cum salute. Noverint quos nosse fuerit oportunum, || quod cum inter nos videlicet predictos . . abbatem et conventum monasterii de Ruthi^a) | ex una ac prefatas . . abbatissam et conventum cenobii in Wurmspach super iure patronatus ac^b) aliis coherentiis et attinentiis ecclesie in Bollingen³ prope lacum Thuricensem⁴ necnon possessionibus et rebus aliis, quas predicte . . abbatissa et conventus a cenobio in Bollingen⁵, dum incorporate fuissent Cistertiensi ordini, secum tulerant et usque ad tempus mote litis possederunt, ex parte altera coram venerabili in Christo patre ac domino R. dei gratia Constantiensi episcopo⁶ ac auditoribus ab eo deputatis misset diutius litigatum, tandem pro bono pacis et concordie et, ne nos laboribus et expensis diutius gravaremur, in viros discretos magistrum Rudolfum de Erzingen⁷ ac magistrum Hainr.^c) de Scho^enenwert⁸ Zovingensis⁹ et Werdensis¹⁰ ecclesiarum canonicos tamquam in arbitros, arbitratores seu amicabiles compositores communiter extitit compromissum, accedente ad hoc consensu religiosi viri . . abbatis monasterii in Wettingen¹¹, cui monasterio nos predicte . . abbatissa et conventus sumus astricte, ut iidem arbitri, arbitratores seu amicabiles compositores plenam et plenissimam habeant potestatem, dictam causam secundum iusticiam vel amiciciam terminandi, dicto arbitrio iureiurando religione per nos hincinde firmato, ut si alterutra partium diffinitionem dictorum arbitrorum et compositorum ratam non haberet vel quoquo modo infringeret seu contrairet, illa reatu periurii et nota infamie notaretur. Et in premissorum omnium evidentiam et robur nos predicti^e) abbas et conventus monasterii de Ruthi sigillis^f) nostris ac nos . . abbatissa prefata sigillo nostro, quo et nos conventus dicti cenobii in Wurmspach utimur proprium non habentes, unâ cum sigillo predicti domini abbatis in Wettingen presens compromissum signamus^g). Dat. et act. Thur(egi) anno domini M°.CC°.LXXXXI°.^h) V. idus octobr. indict. V^a).¹ Nos . . abbas monasterii de^k) Wettingen, quia nobis auctorante et consentiente predicte . . abbatissa et conventus monasterii in Wurmspach^m) compromiserunt, ut superius est notatum, in signumⁿ⁾ nostri consensus sigillum nostrum apponi presenti fecimus compromisso, anno die loco et indictione suprascriptis^o).

Source Fulltext: Chartularium Sangallense IV, Nr. 2283, S. 392-393.