In nomine sancte et indiuidue trinitatis patris et filii et spiritus sancti amen. Cum eorum que geruntur in tempore, obliuio solet memoriam resecare, necesse est, ea tam testium quam scripture munimine confirmari. Vnde nouerint vniuersi Christi fideles presentes litteras visuri vel audituri, quod ego Henricus de Rosenbereh de consensu et voluntate expressa vxoris mee Elyzabeth plurimorumque parentum meorum pro remedio, quod dominus Wocko pie memorie pater meus in decessu suo pro suo suorumque parentum salute animarum ecclesie gloriose perpetueque virginis dei genitricis Marie sue fundationi scilicet in Altovado ordinauit, fraterque meus Witigo in sua morte confirmando renouauit remedium, scilicet annuatim siliginis modiorum quatuor argenti marcarum decem, venerabili domino Ade abbati totique conuentui ad edificationem dicte ecclesie de Altovado ordinis Cysterciensis ob reuerentiam sancte trinitatis et gloriose dei genitricis virginis Marie villas subscriptas pleno jure omniumque meorum posterorum liberorum ceterorumque heredum meorum omni contradictione postposita contuli beniuole in perpetuum permansuras. Quare predictus dominus Adam abbas eiusque conuentus pro remedio supradicto omnibusque dampnis ex ipsius subtractione remedii eidem ecclesie illatis patrem et fratrem meum pie memorie, me et meos heredes per presentes litteras nunc et in posterum sub gratia mee conscientie liberos confirmant et solutos. Hec autem sunt ville: Nebersyhuew et ea in qua residebat Otthardus, item Hodennitz, Vzahratky, Oppach cum omnibus harum quinque villarum pertinentiis scilicet cum terris pratis herbis nemoribus et pascuis in bosco in montibus in piano in aquis in viis et semitis et omnibus aliis liberalitatibus et emunitatibus (sic) suis. Item siluam, que sita est inter Nebersyhuew et metas domini Bauwari, in superscriptarum villarum confirmans libertate. Item pro quadam villa, que vocatur Sunnberch, tres villas scilicet Stoiechingen, et ipsam in qua residebat Brazzlaus, et tertiam plagam domini Gerberti bone memorie, quam exstirpauit Jur, eisdem predicta confirmans libertate libere contuli et benigne. In cuius rei testimonium presentes litteras mei munimine sigilli dedi roboratas. Huius facti sunt testes: Dominus Wernhardus de Schaumberch, filii eius Henricus Wernhardus, et frater eius Henricus; dominus Hoierius de Lomniz et filius eius Zmielo; Wocko de Witigenau^e, Henricus et Wocko de Chrumnau^e, V^olricus et Otto fratres de Nouadomo, Henricus de Ho\uritz, Zmielo de Zmielenberch, Wernhardus Pibro, dominus Jacobus plebanus in Rosenberch, dominus Vlricus plebanus in Predol, dominus Theodericus plebanus in Rosental, dominus Creno purchrauius de Pribenitz, dominus Benata purchrauins de Rosenberch, dominus Andreas, dominus Blasius milites mei, Leupoldus camerarius, Troianus procurator et fratres sui Tschaztolaus et Bo°zlaus; Alw\eich et frater suus Leutoldus de Vinchenhaim, V^olricus de Weichselen et frater suus Psedborius, Watzlaus filius domini Benate, Tschenko et filius eius Duursat et Fratres eius Radozt et Dominicus; V^olricus de Eichorns et frater suus Jan, Ro\udolfus de Gusen et filius eius V^olricus, Jacobus Ladennicer et frater eius V^olricus; Chreno filius domini Chrenonis, Qual et frater suus Eberhardus filii Odoleni, Syboto judex, et ceteri quam plures. Datum et actum apud Rosenberch anno domini M^o CC^oLxxxj^o in sequenti die beati Martini episcopi.

Source Fulltext: PANGERL, Stift Hohenfurth (=FRA II/23, Wien 1865) S. 34-36