||
Wir Ulrich und Johans gebruder, lantgraven vom Lutenberge, bekennen und tun kunt offenlich mit diesem brief ||
allen den, die yn sehen odir horen lesen, daz wir mit samter hant, wollbedacht und mit rad unser frunde recht und ||
redlich verkouft haben dem allirdurchluchtigistem fursten, unsirm genedigen herren hern Karl, Romischem ||
keiser und kunig zu Beheim , sinen erben und nachkomen kunigen zu Beheim und der cronen desselben ||
kungrichs zu Beheim, die stat und vesten Pegenicz, die unsir frei eigen ist, mit leut, gut, gult, gevelle und ||
alle ir zugehorung und dar zu den hof vor der stat, den wir von Herman Storen kynden kauft haben, und ey¬ ||
nen andirn hof zu Buchach, der gewesen ist Johans Frankenbergers, und daz vieschewazzer, doselbes mit allen nut¬ ||
zen und zugehorungen umb neun hundirt schok grosser prager muncz und werung, die unsir herre der ||
keiser und kunig zu Beheim uns an bereitem gelt und pfennigen bezalt geben und gewert hat, und wir die¬ ||
selben in unsirn nucz haben entfangen und globen in guten truwen vor uns, unsir erben und nachkommen, dem ||
vorgenanten unsirm herren dem keiser und kunige zu Beheim, seinen erben und nachkomen kunigen zu Be¬ ||
heim und der cronen desselben kungrichs zu Beheim, werschaft derselben stat, veste, hove, gut, gult und ||
vieschewazzer zu tun als recht ist, des zu urkunt haben wir Ulrich und Johans, lantgrafen vom Luten¬||
berge unsir ingesiegil an diesen brieff gehangen. Geben zu Gretz nach Cristus geburt drutzenhudirt jar||
dornach in dem syben und funftzigistem jar am nechsten dornstag nach des heiligen sant Martins tag .