|N001|Wir Ruprecht der Elter von Gotes gnaden pfallenczgrave by Rine, dez heiligen Romischen riches obrester truchsesze|N002|und herczog in Beyern , bekennen und tun chunt offenlichen mit disem briefe allen den, die in sehent oder horent le¬ |N003|sen, daz uns kuntlichen und wissenlichen ist, und daz selben unser eltern und vordern herczogen zu Beyern an uns |N004|und seliger gedechtnusse den hochgeborn herczog Rudolf, unserm bruder, her bracht haben, daz die vesten und merkte |N005|der Hohenstein, Hersprugge und Urbach, die von unsers bruders herczog Rudolfs dez vorgenanten tode uf uns verfallen |N006|waren, und die wir dem allerdurchluchtigsten fursten und herren hern Karln, Romischem keyser, zu allen ziten merer|N007|des richs und kung zu Beheim , unsern lieben gnedigen herren alz einem kung zu Beheim, und der cronen dez selben |N008|kungriches zu Beheim recht und redlichen vorkauft haben, von nyemand anders ruren, danne von dem Heiligen |N009|Romischen riche. Und wir, unser eltern und bruder ez von nyemand anders gehabt haben, nur von dem Heiligen riche, |N010|alz da vor begriffen ist. Mit urkund ditz briefes, versigelt mit unserm insigel, geben zu Heydelberg nach Cristus |N011|geburt drutzehen hundert jare, dar nach in dem achten und funftzigistem jare am nechsten dornstage|N012|nach der heiligen zwelfboten sant Peters und sant Pauls tage .