|N001|Wir Otto von Gots gnaden marggrafe zu Brandemburg und zu Lusicz, dez heiligen romischen reichs obrister camerer, pfallenczgraff bey Reyn und herczog in Beyern, |N002|bekennen und tun kunt offenlich mit disem brieff allen den, die in sehen oder horen lesen, wann vormals die stat zu Eger mit dem lande und die vesten |N003|Flozz und Parkstein, mit yren zugehorungen den hochgebornen kunigen zu Beheim und der cronen desselben kunigreichs fur vierczigtusent mark lotiges sil¬ |N004|bers von wegen dez heiligen romischen reichs ze rechtem pfande verseczet sein und wann wir und andere unsern mitkurfursten mit warhaftiger kunstchafft |N005|wol underweiset sein, daz Flozz, die vesten und waz darczu gehoeret, des kunigrichs zu Beheim recht eygen ist und von unwissen und irresal dem egenanten kunigrich |N006|zu Beheim ze pfande worden ist in derweise, als in unsern und andrer unsrer mitkurfursten brifen, die wir dorumb geben haben, volkumenlich ist begriffen, dovon |N007|und uff die rede, daz die hochgebornen kunige zu Beheim und die crone desselben kunigrichs, in der andern pfantschafft ungehindert bleiben sint demmal, daz |N008|Flozz als vorgeschriben ist, ir rechts eigen ist und dorumb ir pfand nicht gewesen mag, so meinen, sprechen und leutern wir, mit wolbedachtem mute, als |N009|kurfurste dez heiligen reiches und obrister camerer, daz die obgenanten hochgebornen kunige zu Beheim, ir erben und nachkomen eweclich und die crone des |N010|selben kunigrichs zu Beheim, die obgenanten vierczigtusent mark lotiges silbers, uff der stat zu Eger und dem lande und ouch uf der vesten Parkstein und |N011|iren zugehorungen haben sullen, als die pfantbriefe sagen, die von des romischen reichs wegenn doruber geben sint gleicherweis als ob Flozz in der egenanten |N012|pfandungen nie benennet were. Mit urkund dicz briefs versigelt mit unserm insigel, der geben ist zu Prag nach Crists geburt dreuczenhundert iar und|N013|darnach in dem sechczigisten iar an unser frawen tag liechtmesse .

|N001|Morner