|N001|Ich Johans des hochgeborn fursten und herren seliger gedechtnuzz hern Rudolfes etswann pfalentzgraff bei Rine und hertzogen|N002|in Beyern suon bekennen und tun kunt offinlich mit diesem brieve allen den, die yn sehen odir horen lesen, wann der allerdurch¬ |N003|luchtigiste furste und herre, her Karl von Gots gnaden romischer keiser zu allen zeiten merer des richs und kunig zu Beheim, myn |N004|gnediger herre, als ein kunig zu Beheim mir die vesten Blesperg, bei Bernaw gelegen mit aller yrer zugehorungen zu rechtem |N005|manlehen geluhen hat, und hat mir auch gnedeclich von kunglicher macht zu Beheim und von rechter wizzen erlaubet, daz ich |N006|dieselbe vesten Blesperg mit yrer zugehorungen verkeufen moge, wem ich welle, also doch, waz geldis mir von dem vorgenanten |N007|kaufe wirdet, daz ich dazselbe gelt anlegen und domitte ligende gut keufen sulle in dem kungrich zu Beheim und dazselbe |N008|gut sulle ich und mine mannes lehens eliche erben von dem egenanten minem herren dem keiser als von einem kunige zu Beheym, |N009|seinen nachkomen, kunigen, dem kungrich und der cronen desselben kungrichs zu Beheim zu rechtem manlehen haben |N010|und empfahen, und sullen yn dovon schuldig sin zu tun gentzlich alle sache als andere yre und des kungrichs zu Beheim |N011|manne pflichtig sint zu tune. Mit urckund ditz brieves versiegelt mit minem anhangenden insiegel, der geben ist |N012|zu Karlstein nach Cristus geburt druczenhundert iar dornach in dem sechtzigistem iare an dem nechsten donrstage|N013|nach dem suntag, als man singet Oculi in der vasten .