In dem namen der heiligen vnd vntailsamen driualtikait. Conrad von gottes genaden graf zw Basserburgk allen kristen menschen hayl in ewichait. Wann von gunst gotlicher guetikait die su^endt, dy mit wirdiger chesstigung von allen menschen durch leibliche pueß mu^egen mit nichtte gerainigt, gebessert, auch betwungen werden, dann durch gebung der almosen geleich vnd mit willen der gewaltigen vnd ma^echtigen mannen, die solichen Sachen vergu^ennend, wann sy daz mo^echtten von vernuft wol gehindern vnd irren, wesunder so peweysent si sich in solichen sachen merar vnd willig gu^enner/e geleichsam dy geba^er, wann sy empfahund sind den I^on vnd mu^egen auch nemmen gerechtte pessrung. Darumb haben wir billich vnd wirdig gescha^eczt vnd thun kund offenl[eich] allen menschen, den der gegenburttig brief fu^erku^embt, daz wir berarten vnd gu^eetigen willen vnd gunst darczue geben, daz all di^enstlawt, ritter oder welicherlay menschen, dy vns zuegehorend, ir erb und gu^et * aufligund oder varund, nach irem vermu^egen gannczen * gewalt vnd freyhait habent * ze geben der kirchenn vnnserer lieben frawn Marie zu Raitenhaslach.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 175, S. 150-151