[18] [A]schen mitwocha

+Esb hatt ouch ain grosser zwennfachner radt uffgnommen, das in allem unnserem lannd an der aischer mittwuchen niemand mer den anderenn fachen sol ||unnd in das wirtz huß zum win fuͤren, sonder jederman den ander gonn lassenn ruͤwklich, wo hin er wil, es sye haim older anderschwo hin, ouch uff denn selben tag niemannd mitt dem anderenn ringenn nach in brunnen werffenn nach in das kott werffen ald thrukenn, sonder ain ander ruͤwig lassenn. Unnd wer das nütt halltt, der sol gmainen landtlütten zuͦ buͦß verfallen sin druͤ pfund fuͤnf schilling pfenig. Unnd sol jegklicher hopttman in siner rod am sonntag vor den landtlütten verkünden und zuͦ wissenn thonn. c–Dar zuͦ wer uff den selben tag fraifet, ist zuͦ buͦss vervallen x  ß d.–c1