Wir Thime von Koldicz, cammirmeistir vnsirs herren des keysirs vnd howpt- lnan czu Bresslow, bekennen ufiintlich in disem keginwortigen briue, das vor vns gestandin hat der ersamo Niclos Esseg, burger czu Bresslow, vol gesunt vnd mechtig alle seynir krefften leybis vnd synne, nicht von keynir irrungo sundir von ganczir gewissen vnd wisir vornumfft mit woluorbedachtim mute vnd mit retigem rathe seynir frunde vnd hat vorkowfft recht vnd redelichin in eyme rechten kowffe vffgebunde vor vns willeclichin vnd vffgereicht den . . vorsichtigen vnd weyzen hern, den ratmannen czu Bresslow, dy do iczunt sint adir hernoch- mols werdin in czukumfftigen geczeiten, alle seyn gut des vorwerkis Patenicz des bresslowusschin gebitis, is sey vil adir wenig, das her do hat mit alle synir czu- gehorung sundirlichen mit dem wassir halp die Laha genanth, als weyt vnd verre, als dorczu gehort vnd gehorin mag, vmb eyn genant gelt, das dy vorgedachtin rathmanne der stat czu Bresslow iczunt 'j,ancz vnd gar dem alrestgenantin Niclose Esseg habin bcczalt vnd vorgoldin, als her muntlich vor vns uffinbar hat bekanth. mit allir nuczbarkeit, gebruchung der fruchte vnd czugehorung, mit lachen, pffuliu. wczin, wczewachs, weydin, rutecht vnd strutecht vnd auch mit allir andir czu gehorung des egenantin gutis vnd vorwerkes Pathenicz, genant adir vngenant. wy man das mit sundirlichin adir gemeinlichin wortin irdenken mochte adir ge nennen, nichts vsgenomin, kleyn noch gros in keynirleye weyze. Auch mit alle deme rechte, herschafft vnd gebruchung, fry von allirlcyo dinste, gulde, geschos vnd beswerung, als wir das lutur vnd uffinbar in eynir alden hantuestin des

243

îrluchsten furstin, herczogin Bunczlows, eczwenne furste in Slezien vnd hcrre czu Bresslow habin gesehen, als is auch in seynen reynen vnd greniczen vmbe vnd vmbe von aldirs ist gelegen vnd von andirn gutirn gesundirt vnd von deme ege- nantin Niclose Essog vnd seinen vorfarn von aldin langin vorgangen geczeitin ist besessin , also sullin is auch dy egenanthen rathmanne czu Bresslow, dy iczunt siut adir werdin in czukumfftigen gecziten mit demselbin rechte habin, haldin vnd fredelichen besiczen. Auch doselbist der egenanthe Nicklos Esseg vorczeich sich abetretinde mit gutem willin vmbetwnngen an' allis geuerde von seynir, seynir erbin vnd nochkomelinge wegen allir ansproche, czuvorsichta vnd vorderung, dy her adir sy gehabin mochten an deme egenanten gute vnd vorwerk Pathenicz mit seyner czugehorung an gancz adir an teil, von rechte adir von tat in geist^ lichim ader in werltlichem gerichte, iczunt adir hernochmols eweclichin in keynir- leyc weyze vngehindirt. Denselbin kowff, uffreichung vnd vorcziung vnd allis, das do vorschrebin stet, habe wir stehete vud gancz vnd habin gereicht vnd reichen von kuniglichir gewalt von Beheim, der wir gebruchin, den vorgedochtin . . rathmannen czu Bresslow, dy iczunt sint adir werdin in czukumlïtigen geczitin, das egenante gut vnd vorwerk Pathenicz mit allir nuczbarkeit, gebruchung vnd czugehorunge, als vorbenumpt ist, genant adir vngenant, nichts vsgenomin, kleyn noch gros, mit allim rechte, herschafft vnd gebruchung, fry an' allirley dinst, gulde, geschos vnd beswerung als vorgeschrebin stet, czu habin, haldin vnd fre- delichin czu sogetanem rechte besiczin mit macht vnd fuller crafft czu vorkowffen, czu vorgebin, czu vorseczin, czu vorwechsiln, gancz adir eyn teyl, adir sust an iren behegelichin nucz czu wendin, als in allir bequemelichste mag gesin vnd czu statin komen. Mit orkunde dis briues, der do vorsigilt ist mit dem kunig lichin ingesigil der lantlewte des furstenthumes czu Bresslow, das do ist czu erbin vnd czu sachin, das an disin keginwortigin brieff ist gehangen. Geben czu Bresslow an der nestin metewochin vor send Johans baptisten tag noch crista ¿eburd driczenhundirt iar dornoch in deme fumfften vnd sebinczigistin iarc. Doby sint gewest dy edeln her Herman von Borsnicz vnd her Franczke von Somirfelt, rittcre, Albrecht von Pak, Heyncke von Schelndorff, Hanke Sechsbechir, Heinrich Swarcze, Hannos Noldil vnd Nicklos Strelin, vnsers hern des kunigis von Bohe men man, vnd Petir von deme Bunczlow, des erbarn hern Johannis Wyttels, canczclers des vorbenumptin furstintumes czu Bresslow, schriber, der disin kegin- wortigen brieff hat gehabit in beuelung.

Recognita per Petrum de Bolezlauia. Das Siegel der Hauptmannschaft hängt an seidenen Fäden.

20G. Kaiser Karl IV weist die Stadt Breslau an, den Peterspfennig nach altem Herkommen zu entrichten. Kutten den 24. Juli 1375.

Original im bresUmer Stadtarchiv V 10 о.

Wir Karl, von gotes gnaden romischer keiser, zu allen zeiten merer des reichs, vnd kunig zu Behem, embieten dem . . burgermeister, . . ratluten . . vnd den burgern gemeinlich der stat zu Bresslaw, vnsern lieben getrewen vnser gnad vnd alles gut. Lieben getrewen! Vmb sant Petirspfennig, den an euch fordert Nicolaus Strassperg, ist vnser meynunge vnd wollen auch, das ir den selben pfennig geben vnd beczalen sullet in-aller der mazzen, als das von alters

244

her komen ist; were aber, das derselbe Nicolaus oder jemand anders, wer der were, euch vber sulche alten gewönheit dringen oder in keynerleye newekeit bringen wolte, das lazzet vns wissen mit ewern brieuen, wie vnd in welcher masscn er denselben pfennig an euch eysche; wann wir es gleicherweis nicht leyden wollen vnd in sulicher massen dorczu gedenken, das vnsers kunigreichs zu Beheim vnd auch ewer lewte vber redliche gewonheit nicht betwungen werden. Geben zu den Chutten an sant Jacobs abend vnser reiche des romischen in dem dreissigstem, des behemischen in dem newnvndczwenczigstem vnd des keisertums in dem einvndczwenczigstem iare.

De mandato domini imperatoris Nicol. Cameric, prepositus.

Aufgedrücktes kleines Siegel.

297» Kaiser Karl IV schreibt den Breslauern, dass sie die nothwendigen Bauten an seinem ScMossc zu Breslau vornehmen lassen und die Kosten der selben aus seinen Einkünften bestreiten sollten. Prag den 3. September 1375.

Original im brealauer Stadtarchiv F 18 a.

Karl, von gots gnaden romischer keiser, zu allen zeiten merer des reichs vnd kunig zu Beheim.

Lieben getrewen!

Vmb das gebewde vnsirs hawses zu Breslow ist vnser gancze meynunge, daz ir dasselbe gebewde bessirn sullet mit vnsern pfennyngen, vnd wes ir dor czu bedurffen werdet noch notdurfft desselben gebewdes, daz sullet ir nemen von vnsrer gewonlichen renten vnd pflege. Geben zu Prage an dem montage fur vnsrer frawen tage, als sie geboren wart, vnsrer reiche in dem newnvndczwen- czigsten vnd des keiserthums in dem czwenczigsten iaren.

Dem . . burgenneister, . . rate vnd den burgern gemeinlichen der stat czu Bresslow, vnsern lieben getrewen.

Das Schreiben war durch das aufgedrückte kleine Siegel verschlossen.