Universitätsarchiv Wien, UAW Cod. Med 1.1 AFM 1399-1435
[2. Juni 1417]
[1] Item 2a die Iunii fuit congregatio facultatis pro omnibus utilitatem et honorem facultatis concernentibus.
Ibidem placuit, quod articuli per facultatem collecti ex parte magistri Iohannis Rokk sibi deberent legi et primus fuit, quod contra omnem nostre universitatis consuetudinem et observantiam fecistis insolitam intimationem, per quam omnibus doctoribus nostre facultatis dampnum intulistis.
Secundus, quod derogastis et detraxistis omnibus prefate nostre facultatis doctoribus dicens, vos unum scolarem in practica euntem ad annum vobiscum plus docere
quam sciant omnes doctores prefate facultatis.
Tertius, vos in plena nostre universitatis congregatione contra privilegia universitatis expressa seniori nostre facultatis doctori magistro Iohanni de Valle Eni recepistis locum suum nulla hoc causa exigente.
Quartus, vos a causa iusta, quam nostra habuit facultas220 adversus iuris facultatem, appellastis et ab ea recesistis [!].
Quintus, vos non obedivistis facultatis laudabili consuetudini in hoc, quod nunquam disputastis, quotiescumque per decanum requisitus.
Sextus, quod non obedivistis facultati in licitis et honestis.
Post quorum lectionem conclusit facultas, quod propter certa motiva [fol. 28v] facultas sibi parcere vellet; sed si de cetero hoc faceret, eum vellet punire et hoc deberet etiam sibi dici per decanum.
- Acta Facultatis Medicae Universitatis Vindobonensis Vol. 1, Karl Schrauf, 1894
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
