[4. Februar 1454] Postea altera die, facta congregacione doctorum, per eos, id est apotecarios, desiderata, venerunt omnes apotecarii et presentaverunt responsionem suam super articulis predictis in cedula scriptam satis generalem. Et ad primum articulum, quod non vellent Iudeum fovere nec receptas sibi preparare, quia non vellent contra suos361 [fol. 29v]362 superiores363 sive spirituales sive seculares aliquid libenter committere. Ad secundum de empericis responderunt, quod tales prohiberentur; ad hoc ipsi vellent libenter cooperari. Ad tercium articulum de eorum practica responderunt, quod non scirent aliquem ex eis, qui practicaret ut practicus. Ad quartum de dispensacione equali medicinarum compositarum suarum responderunt desiderantes, quod domini doctores facerent ordinacionem talium medicinarum compositarum et descripciones earum secundum quod doctoribus placeret apotecariis presentarent, tunc ipsi apotecarii vellent ad voluntatem dominorum doctorum tales medicinas compositas conficere et dispensare. Ad quintum articulum de licita vendicione medicinarum responderunt, quod non scirent aliquem ex eis, qui illicite venderet suas medicinas.

Hiis itaque peractis et apotecariis recedentibus, in eadem congregacione placuit facultati eligere deputatos, quos eciam de facto elegit, scilicet duos doctores seniores, scilicet Mag. Iohannem Celler et Mag. Pangracium cum decano, ut isti conciperent articulos ad huiusmodi responsiones correspondenter respondentes et clarius intencionem facultatis exprimentes cum relacione ad facultatem.