Universitätsarchiv Wien, Cod. Med 1.2 AFM 1436-1501
[2. Juni 1457] Postea concepti sunt articuli infrascripti et presentati consilio:
1. Item das kainer halt ain appoteken, er chunn dann selber darinnen arbaitten all notdurft und das er auch chunn sein puecher lesen und versten und das er pewert werd von den doctoribus der erczney und den andern appotekeren, daz er genügsam sey.
2. Item das all appoteker dispensieren und machen ir erczney nach aim register, in geben von den doctoribus, damit die erczney nicht sterkcher noch anders gemacht werd in ainer appoteken dann in der anderen.
3. Item das kain appoteker dy erczney anders geb noch mach dann sy eyn doctor schreibt und das sy nicht geben ain erczney fur dy anderen an besundern rat ains doctor.
4. Item das kain appoteker sich unterwindt erczney ze treiben fu\er sich selber461 in dhain wege.462
5. Item das sy kainerlay erczney zu furbung verkauffen, sy werd dann geschriben von aim perwerten doctor hie von der schul.463
6. Item das sy auch kain erczney machen oder geben nach ains geschrift, dem von der schul und facultet erczney ze treiben verpoten und nicht pewert ist.464
7. Item das sy kaim fromden oder umblauffer, der sich erczney underwint ze treiben, zu in gehaymen aufhalten noch im erczney raihen oder machen, der von der schul nicht aufgenomen und pewert ist, wann aus dem oft grosse beswerung den lewten gangen ist.465 [fol. 42r]466
8. Item das sy kain erczney mit zukermel machen, die mit weissem zuker gemacht sol sein, wann aus dem erget grosser schad den krankhen und irrung den arcztten.
9. Item das dy appotekchen all jar467 ainst oder sunst als oft es not wirdet, beschawt werden, darumb das nicht verlegen und schedlich erczney den menschen geraicht werde.
10. Item das sy ir wasser und all ander erczney geben in ainem gleichen pillichen kauff, des sy wol zu komen mugen und den kranken nicht ze swer sey, und das der kauf geseczt werd von den, dy von dem rat ze Wienn und der schul der erczney darzu geschaft werden.
11. Item das all erczney zu rechter zeit gevechsent und an rechter stat gehalten werden.
12. Item das kain burger kain treybende erczney oder furbung nicht vayl hab noch verkauff, wann aus dem grosser schad den lewten oft gangen ist und besunder swangern frawen und chindern.468
13. Item das auch die herren des rats allen weren, erczney hie ze Wienn ze treiben, es sind mannen oder frauen, dy nicht von der schul der erczney darzu geurlaubt sein, angesehen das vil lewt von in petrogen sind worden an leib und an gut; auch das pewerter doctores genug hie sind, die nyemant besweren an gelt als dann fromd und umblauffer oft getan haben.
Isti articuli recepti fuerunt per Magistrum civium Nicolaum Teschler et totum consulatum et post plurimas ammoniciones per decanum factas nichil fuit per cives factum et conclusum.469 [fol. 42v]470
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
Acta facultatis medicae Vindobonensis 1.2.172, in: Monasterium.net, URL </mom/AFM/1.2.172/charter>, accessed at 2024-04-30+02:00
The Charter already exists in the choosen Collection
Please wait copying Charter, dialog will close at success