Universitätsarchiv Wien, Cod. Med 1.2 AFM 1436-1501
[20. Juni 1457] Anno ut supra, 20. die mensis Iunii, congregata fuit facultas medicine super articulis infrascriptis: Primus ad audiendum relacionem deputatorum per facultatem in causa visitacionis appotecarum et ad cogitandum, quid ulterius pro republica et salute infirmorum expediat.471 Et fuit ibi dictum, quod appoteca Nicolai Laynbacher nichil valeat et neque sint ibi reperti syrupi, aque, olera, unguenta, laxativa vel conserve alicuius valoris. Alie appotece satis competentes fuerunt preter syrupos, qui debent confici cum zukero albo, facti sunt cum farina zukeri. Fuit ibi conclusum per dominos doctores, quod debeat fieri ordinacio, ut per amplius uniformiter conficiantur singule medicine in appotecis et fiant syrupi cum electo zukero. Plura ibi fuerunt mota, que scribere nimis foret prolixum.
Secundus articulus ad deputandum certos doctores ordinantes et corrigentes receptas dispensandas uniformiter in singulis appotecis. Et fuit deputata tota facultas sub pena unius grossi pro qualibet vice, nisi ex racionali causa decano insinuanda se quis absentet.
Tercius fuit ad prosequendum consequenter causas deductas ad consilium civitatis ex parte empericorum et aliorum, et fuerunt deputati decanus et Mag. Iohannes Kirchaym.
Fuit eciam protunc motum de quodam practico nomine Mag. Engelbertus de Westvalia, qui multum gravavit homines et recepit magnam peccuniam nec fuit promotus in aliqua universitate; quare fuit conclusum, quod nullus doctorum secum concurreret in aliqua practica sub pena per facultatem imponenda.472
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
Acta facultatis medicae Vindobonensis 1.2.173, in: Monasterium.net, URL </mom/AFM/1.2.173/charter>, accessed at 2024-04-30+02:00
The Charter already exists in the choosen Collection
Please wait copying Charter, dialog will close at success