Universitätsarchiv Wien, Cod. Med 1.2 AFM 1436-1501
[21. Dezember 1458] Item lectio statutorum, que debuit fieri in quindena, pro rogata fuit propter insolenciam suppositorum, ex qua et decani fuerunt nimis occupati, usque ad festum sancti Thome apostoli, in quo lecta erant statuta et thezaurus facultatis comportatus et in archula reclusus, et fuerunt in suma sumarum 17 flor. Ungaricales et nichil plus. Sed Mag. Martinus Guldein recepit pecuniam minutam pro 5 flor., quos adhuc tenetur, et Mag. Erhardus de Traysmawr tenetur 1 libr. den., et dominus doctor Paulus tenetur 6 sol. 16 den., quos dominus doctor Iohannes Kirchaym dixit se velle pro eo solvere, si non veniret infra medium annum et per se exsolveret, audiente hoc tota facultate.496 Item dedi bedello primo 6 sol. pro domino doctore Iohanni Kirchaim, postea addidi sibi 12 sol. et sic dixit se exsolutum de preteritis solariis suis. Sed instans solarium presentis mutacionis dixit sibi persolvendum in fine mutacionis et ad hoc ipsum consenserunt eciam domini doctores singuli, quare etc.
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
