[5. Jänner 1468] In vigilia Epiphanie Domini fuit facultas congregata ad percipiendum racionem de expositis pro structura domus facultatis medicine per Mag. Nicolaum, doctorem medicine. Et in calculo repertum fuit, qui protunc fuit commissus decano, quod dominus doctor Nicolaus de Ratispana exposuit 62 libr. den. et 4 sol. den. et 28 den. Idem percepit a decano nomine facultatis pro structura 26 flor. Ungaricales, quorum unus fractus datus fuit tantum pro 1 libr. den. Idem obligatus facultati in censu preterito 15 flor. Ungaricales minus 14 sol. den. et minus 1 libr. den. Et sic finaliter defalcatis defalcandis in censu et aliis perceptis per dominum doctorem, facultas obligatur adhuc prefato doctori Nicolao 14 libr. den. et 3 sol. den. minus 2 den., et sic Mag. Nicolaus doctor etc. in censu nichil obligatur, nisi censum a festo Michaelis anni 67mi usque ad festum sancti Michaelis anni 68mi, et commissum fuit decano protunc, quod eum solveret in 14 libr. den. et 3 sol. den. minus 2 den. [fol. 67r]

Et decanus ex commissione dedit prefato Mag. Nicolao 12 flor. Ungaricales et sic ipse esset obnoxius facultati in 5 sol. den.et 2 den., sed senior noster, Mag. Michael Schrickh, dixit, quod in quantum per eum staret, ipse vellet sibi remittere illos 5 sol. den. et 2 den. in recompensam laborum suorum et diligencie adhibite circa laboratores, et sperat idem senior, quod alii non contradicant.630

In eadem congregacione exposui 7 den. pro vino et pane.

In congregacione leccionis statutorum exposui 11 den. pro vino et panibus.

In eleccione novi decani, tercia feria ante Thiburcy et Valeriani sanctorum martirum, pro collacione et potu exposui 26. den.631

Exposita in decanatu domini doctoris Iohannis Spardorffer, anno etc. 1468.632