Universitätsarchiv Wien, UAW Cod. Med 1.3 AFM 1490-1558
[21. Dezember 1513] Item die Mercurii, que erat vigesima prima Decembris, habita est congregacio in domo facultatis eiusdem, qua hec sunt acta, ut sequitur. Primo conclusit facultas in negocio domini doctoris Iohannis Korndorffers, qui peciit admitti ad consilium per medium doctoris Georgii Tansteter,nam podagra impeditus articulo formato per se comparere nequivit, et inter cetera relaxacionem unius floreni Ungar., cum secundum statuta quatuor dare debuit facultati. Fecit ex allegacione sui baccalaureatus, quem in medica facultate antecedenter nactus Vienne, ubi se unum florenum Ungar, ad facultatem deposuisse, eciam bedello iura sua tunc dedisse dixit. Facultas conclusit, quod si dominus doctor Ioannes predictus possit docere ex actis facultatis, quod dederit unum flor. Ungar. facultati et bedello iura sua ratione baccalaureatus Wienne, quod tunc unus illorum quatuor flor. Ungar, relaxari deberet, eciam a trium solidorum solucione bedelli absolvi, que alias ex statutorum intencione, antequam consilio admitteretur, deponere debuisset. [fol. 64v]
Secundo quod priores tres doctores ordinati ad structuram novam, cum fuissent iam preparate fenestre ferree, ad plateam tendentes, et aliarum necessariarum structurarum necessaria perficiant, sicut sciunt.
Tertio, quia scolares medicine pecierunt a decano ante certos dies, quatenus articulus ad facultatem fieret ratione anathomie, ubi se pollicebantur velle comparere et vel per se petere, aut quod decanus nomine ipsorum peticionem ad facultatem porrigeret; sed quia nemo ipsorum comparuit, facultas conclusit, quod decanus servilem condicionem subire nequaquam deberet, cum ipsi huius actus non essent cupidi et affecti sed negligentes, quod non comparuerunt; cum eciam quasi omnes horum studiosorum fuerant incipientes, ne anteponerent currum equis; item quia pauci sunt numero, tantis expensis satisfacere nequeuntes scilicet 18 flor.: cassandum negocium et omnino postponendum.
Si tamen expensis predictis satisfacere voluerint, facultas vult condescendere, que nullis expensis visci389 sui vult onerari.
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
