Universitätsarchiv Wien, UAW Cod. Med 1.3 AFM 1490-1558
[5. August 1536] Die 5. Augusti per dominum doctorem Iordanum dictarum promotorialium literarum copie ad me misse. Ego, ut ex offitio debui, eas singulis dominis doctoribus legendas transmisi, et cum non convenirent sententie dominorum doctorum, ut eiusmodi litere darentur, eo quod instrumentum doctoratus doctoris Ioannis Killmair in facultate [fol. 128r] nunquam visum fuisset, insinuavi hoc ipsum domino doctori, qui eo die ad me manu propria scriptas literas dedit, quibus fidem fecit de instrumento doctoratus doctoris Ioannis Killmair, quod idipsum viderit et legerit, et se obligavit intra mensem hoc ipsum doctoratus instrumentum nominati doctoris facultati ostensurum sub pena 50 flor. Eas fideiussorias domini doctoris Iordani literas cum domini doctores legissent, annuerunt tandem in literas promotoriales doctori Ioanni Killmair ad cives in Krembs dandas. Date sunt missive sigillo facultatis obsignate, copie earundem ad acta reposite, et quia ex benevolentia atque amicitia concesse sunt, placuit tandem dominis doctoribus, ut pro eisdem a doctore Ioanne Killmair facultatis nomine nihil exigerem.
- Acta Facultatis Medicae Universitatis Vindobonensis Vol. 3, Karl Schrauf, 1904
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
