[14. April 1547] Quarta convocatio ad eligendum decanum successorem celebrata est ipsa die Valeriani et Tiburtii, electus autem est excellens dominus doctor Laczius, cui ladulam cum libris et litteris facultatis, sceptrum et pecuniam reliquam, ut sequitur, per pedellum tradidi.

Antonius punitus dedit 3 scutatos in auro.

Mag. Michael Schilling, cheirurgus, pro literis admissionis 2 talenses.

Mag. Christophorus800pro literis admissionis ad fumum in morbo Gallico 2 talenses.

Exposita:801

Pro festo Nativitatis Domini pedello dedi ½ talensem. In prima convocatione exposui pro Rivola 12 cruc., pro pane 2 cruc. [fol. 148v]

In secunda convocatione exposui 16 cruc.

In tertia convocatione 14 cruc.

In quarta, dum eligeretur decanus successor, pro Rivola 12 cruc., pro vino 4 cruc., pro pane 3 cruc. 802

Pro reformanda sera ladulae gross. 1.

Summa expositorum facit flor. 1 sol. 4, cruc. 9.

Remansit summa pecuniarum, quam cum ladula remisi successori domino decano, scutati 3 in auro, talenses 2, cruciferi 28.

Ex illis, quos cheirurgi perfumarunt, presentati sunt mihi, qui sequuntur:

Mag. Michael Schilling fumo curavit quendam Iohannem, profosz in artelaria.

Mag. Christophorus Pairer fumigavit Georgium Prügel; hunc ego purgavi.

Idem in eandem curam suscepit uxorem Iohannis Reckendorfers; huic pillulas ordinavi. Idem fumigavit uxorem Viti Schpitzers, hospitis ad sanctam Trinitatem.

Hoc semestri pugna inter Caesaream Maiestatem et Principes Germaniae bona ex parte sedata est, quoniam urbes imperiales se Imperatori dedidere, solus Iohannes Dux elector restititcum Saxonibus. [fol. 149r]

Qui Bohemos ad defectionem sollicitavit et bona ex parte, civitates presertim, in suam sententiam pertraxit. Facte itaque Pragae coniurationes, conventicula palam ab aliquot millibus, in collegio Caroli conscriptae sunt litere et aliquot centuriis sigillorum adpensis ad Regiam Maiestatem missae, que nisi Rex illis adplauderet et immunitates, nescio quas, veteres conservaret, apertam denunctiarent rebellionem. Inde cum Rex in Misniam discessisset ad reliquias belli conficiendas, pauca aut nulla subsidia dedere, arcem Pragensem presidiis muniere, ne inde liberi Regii digrederentur, quos tanquam obsides in arce inclusos retinuere. Proinde Regia Maiestas comitia ad diem sancti Georgii indixit. Fama ferebat, Regiam Maiestatem cum sex millibus equitum ad ea Pragam adventuram, sed de his postea melius constabit. Bohemorum factio quendam nobilem, Pflug, Capitaneum elegerunt, iustam illi manum equitum addiderunt. Hic ingressum Regis in Bohemiam arcere debebat. A Cesarea et Regia Maiestate consultatur interim, laboratur in utramque partem pro pace et quiete ab optimis Principibus, sed hactenus nihil transactum. Deus Optimus Maximus deinceps eorum pia studia fortunet. [fol. 149v]803

Vuolfgangi Laziitertius decanatus.