[10. Jänner 1503] Decima die Ianuarii anni 1503 intitulatus est Mag. Mathias Gasser ex Gräcz Stirie ad facultatem medicine et dedit 8 cruc.

Recepi censum a domino Cristanno 13 sol. 10 den., quem obligatus fuit facultati anno 1502 circa festum Michaelis, et iterum ab eodem recepi censum 13 sol. 10 den., quem obligatus fuit circa Natalis domini anni 1503. De hac peccunia solvi pedello facultatis annuum eius sallarium 3 libr. den.

Item dedi pro vino in prima congregacione pedello 3 cruc., in secunda 10 den. Pedello dedi monetam quandam nullam factam, grossos scilicet in Nova Civitate dudum monetatos, semper unum pro cruciffero, ut et ipse exponat in congregacionibus reliquis de ista peccunia quamdiu durent.

Item dedi180pro papiro ad scribendum mandata 1 den., famulo magistri civium 12 cruc. ad convocandum artisanos, ut fenestram domini Cristanniconspiciant.

Item pro papiro ad scribendum copias privilegii et supplicacionem 1 cruc.

Item scribenti copias privilegii et supplicacionis pro piscibus 8 cruc. [fol. 28v]181

Iudocus Puechamer, artium licentiandus, natus ex Swevicali Werdea intitulatus est sub decanatu secundo doctoris Iohannis Marckart ex Halprunna, affinis sui, die septima mensis Februarii anni 1503. Solvit solvenda facultati etc.182

[März 1503] Marcii183 congregata facultate conclusum fuit, quod singuli doctores de facultate Capitaneum accedant, executionem privilegii contra empiricos impetrari a Regia Maiestate petant; sicque factum est die eadem, et per decanum supplicacio postmodum in scriptis data, cuius tenor in quadam copia posita in ladula continetur. Promisit Capitaneus velle constituere loco sui commissarios regios, qui privilegium exequantur.

[März 1503] Marcii184congregata fuit facultas mane et post meridiem ad dandum Capitaneo consilium petitum. Observatus est ordo in consulendo talis: Iunior doctor primo suum dixit consilium et sic deinceps usque ad seniorem, conclusumque est consilium concorditer. In hac congregacione pariter conclusum fuit, quod anatomia185celebretur impensis scolarium, quos prius die certa decanus vocet ipsis dicendo, quod doctores petant singulos, ut consentiant in celebrandam anatomiam. Conclusum denique, quod quilibet scolarium mediam contribuat libram, singula disponant necessaria nullusque admittatur alienus.

In hac congregacione doctoribus pro vino dedit decanus den. 4.186