Universitätsarchiv Wien, UAW Cod. Med 1.4 AFM 1558-1605
[24. Mai 1564] 24. Maji petivit in congregatione secunda D. Joannes Neuman admitti ad facultatis consilia. Admissus est, numeravit 6 sol.
In eadem congregatione comparuit supranominatus Fabianus Lernescher, petens examinari in medicina et admitti ad gradum baccalaureatus. Quanquam autem iis quae statuta, in iis, qui promoveri volunt, requirunt non satisfecerat, ex speciali tamen favore, maxime autem propter civium Cibiniensium commendationem admissus est ad examen pro primo gradu adipiscendo et eo finito per me decanum statim ut consuetudo est, creatus est baccalaureus. [fol. 50r]
Numeravit examinatoribus, qui undecim tunc praesentes erant 22 sol., quae pecunia inter eosdem statim divisa est; facultati 10 sol. et bedello secundum consuetudinem.
In eadem congregatione examinatus est Joannes Willendorffer balneator in cura vulnerum, ulcerum, antracum, missione sanguinis. Bene respondit et admissus est. Numeravit pro consuetudine facultati 3 flor. et etiam bedello suam partem.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
