Universitätsarchiv Wien, UAW Cod. Med 1.4 AFM 1558-1605
[26. Mai 1564] 26. Maji habita est tertia congregatio, ut aliquid definiretur de quorundam nostrae facultatis doctorum gravaminibus, qui conquerebantur, se semper prae reliquis ad balneatorum examen vocari, cum tamen illa qualiscumque pecuniola, quae a balneatoribus dari solet, aequaliter in omnes, qui etiam rarissime interessent distribueretur. Conclusum autem est unanimi omnium doctorum tunc praesentium consensu, ut solo Doctore Lazio superintendente et seniore facultatis excepto, qui tunc ob officium tum peculiari privilegio caesareae majestatis exemptus esse debet, omnes reliqui vicissim teneantur suo ordine quatuor hujusmodi examini interesse, alias illi158, quem ordo tangeret et non interesset, detrahendum esse, quod pro rata illi ex ea pecunia cedere deberet. Nihilominus licere omnibus reliquis etiam praeter quatuor istis examinibus interesse.
Audita sunt acta decanatus D. Heliae Anhart, quae postea approbata fuerunt. Tunc enim ob paucula quedam verba dilata fuit approbatio.
Eodem die approbata fuerunt acta D. Doctoris Michaelis Spitaller.
Tractatum etiam fuit de actis D. Mathiae Cornax, quae videbantur aliquam continere calumniam decani, sed utriusque partis consensu per commissarios, consentiente et approbante postea facultate negotium compositum est.
Liber quidam testamentorum, qui rectoris proprius est errore quodam in nostram ladulam translatus restitutus est consentientibus d. doctoribus.
Exposui in ista congregatione pro mensura dulcis vini et mensura Austriaci et 6 panibus 27 cruc. [fol. 50v]
- Acta Facultatis Medicae Universitatis Vindobonensis Vol. 4, Leopold Senfelder, 1908
Notes:
Acta facultatis medicae Vindobonensis 1.4.104, in: Monasterium.net, URL </mom/AFM/1.4.104/charter>, accessed at 2024-05-04+02:00
The Charter already exists in the choosen Collection
Please wait copying Charter, dialog will close at success