Universitätsarchiv Wien, UAW Cod. Med 1.4 AFM 1558-1605
[3. August 1599] Die 3. Augusti instituta fuit congregatio dominorum doctorum de facultate.
Primo, admissi sunt ad consilia facultatis duo domini doctores, qui nuper repetitionem compleverant et primo D. D. Thobias Piripachius, qui solvit facultati 6 sol. et cuilibet domino doctori facultatis 1 flor.
Deinde D. D. Jacobus Thiel, qui solvit tantum 6 sol. pro admissione ad consilia.
Deinde lectus fuit supplex libellus N. cujusdam Martini Schaff, ministri pharmacopaei apud elephantem contra D. D. Perckoferum, qui aliquot alapas praefato Martino inflixerat. Audita responsione D. D. Perckoferi conclusum fuit, ut facta prius per decanum tunc coram tota facultate D. D. Perckofero tum pro hoc delicto tum pro aliis consimilibus exprobratione et admonitione, ut in posterum aliter se gerat, duo domini doctores facultatis constituti commissarii eam litem componerent. Et denominati fuerunt commissarii D. D. Leander et ego decanus.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
