[27. September 1599] Die 27. Septembris festum sanctorum Cosmae et Damiani737 in basilica D. Stephani solenniter celebratum fuit. Sed D. Jacobus Thiel, qui ante tres menses a me decano in hoc festo perorandi facultatem precibus impetraverat, quique nuper hac de re a me admonitus, se paratum esse dicebat, festo non comparuit, unde cathedra absque oratore non sine inclytae facultatis dedecore usque ad finem sacri pro more apparata remansit.

Finito postmodum sacro, magnifico domino rectori et dominis doctoribus, qui sacro interfuerunt, mediocrem in meis aedibus exhibui colationem.

Tandem peracto decanatus mei tempore eoque die 14. Octobris per scriptum a me resignato, cum paritas votorum in decanum eligeret et D. D. Joannem Leandrum et D. D. Isaac Panisod, voto meo D. D. Isaac Panisod inclytae facultatis medicae decanus spectabilis eligitur et renunciatur, cui postmodum sceptrum et reliqua omnia ad inclytam facultatem pertinentia sicut a domino antecessore meo acceperam, fideliter per pedellum transmisi. [fol. 401r]

Rationes acceptorum:

A domino exdecano 4 flor. 10 cruc.,

a D. D. Reigelio 32 flor.,

ab eodem 4 flor.,

ab examinato barbitonsore Huberto Hilcker 3 flor.,

a D. D. Thobia Piripachio 36 flor.,

ab eodem 9 flor. 45 cruc.,

a D. D. Jacobo Thiel 45 cruc.

Summa acceptorum: 89 flor. 40 cruc.

Rationes expositorum:

D. D. Leandro, Scarmilionio, Panisod et Reigelio cuilibet flor. 1 et num. 10 facit 4 flor. 10 cruc.

Nomine D. D. Reigelii dominis doctoribus Pergero, Magno, Leandro, Perckofero, Scarmilionio, Geussio, Panisod et mihi decano cuique 4 flor. facit 32 flor.

Item D. D. Cornario 4 flor.

Nomine D. D. Piripachii dominis doctoribus de facultate cuique 3 flor. facit 21 flor.

Item pedello 3 flor.

Item ejusdem nomine dominis doctoribus facultatis 9 flor.,

pedello suum salarium 3 flor. 39 cruc.

Pro describendis copiis germanicis privilegiorum offerendis serenissimo archiduci 30 cruc.

In festo sanctorum Cosmae et Damiani organistae 1 flor. 13 cruc.

cantoribus 1 flor. 13 cruc.,

aedituo 15 cruc.,

pedello 24 cruc.

Pro tribus mensuris vini malvatici 2 flor.

pro vino 20 cruc.,

pro pane confecto cum ovis et butiro 16 cruc.,

pro marzapanibus sacharo conditis et reliquis 3 flor. 30 cruc.

Summa expositorum: 92 flor. 30 cruc.

Hinc debet mihi inclyta facultas 3 flor. 10 cruc. (Recepit ut patet fol. 410 D. Pisellus m. p) Laus Deo.

Tempora tempore tempera. [fol. 401v]738

[1599/ 1600]

Decanatus hyemalis anni 1599 primus D. Isacii Panissod, magistri sanitatis.

Hyemali semestri anni 1599 electus est in decanum Isaac Panissod doctor medicus et tunc temporis magister sanitatis.