Universitätsarchiv Wien, UAW Cod. Med 1.4 AFM 1558-1605
[8. Jänner 1600] Die 8. Januarii anni 1600 per D. D. Magnum et me decanum traditus est libellus suplex nostrae facultatis una cum annexis caesareis privilegiis consuli Viennensi D. Andreae Rieder741.
In congregatione decretum est, ut moneretur senatus Viennensis, quod in posterum non admittant pharmacopaeos in numerum civium, antequam consueto more examinati sint a nostrae facultatis doctoribus.
Joannes Klele, civis ac pharmacopaeus Viennensis ad signum aethiopis supplicavit, ut ipsius compositio Mithridatica, quae coram decano et caeteris omnibus doctoribus dispensata, mixta atque per integrum annum singulis mensibus, adstantibus decanis agitata et denuo sigillo facultatis obsignata resignaretur, eique facultas divendendi et utendi daretur, quod benigne fuit ei concessum, ea tamen lege, ne eam cum alia minus bona vel adulterata misceret.
D. D. Thiel petiit a dominis doctoribus dilationem solutionis ad semestre.
Facultas consensit usque ad finem anni; quod si post exactum annum non solverit, teneatur exclusus a consiliis. [fol. 404r]
Statuit insuper facultas, in posterum non debere admitti doctores antequam deponant.
In meo decanatu nihil accepi, sed quidem exposui pedello pro suo salario 3 taleros in specie ut patet ex ipsius chirographo, sicut mihi a facultatis doctoribus injunctum fuit.742
Eos tres taleros in specie accepi a clarissimo D. D. Bisello tunc decano spectabili 30. Aprilis 1604.
- Acta Facultatis Medicae Universitatis Vindobonensis Vol. 4, Leopold Senfelder, 1908
Notes:
Acta facultatis medicae Vindobonensis 1.4.1208, in: Monasterium.net, URL </mom/AFM/1.4.1208/charter>, accessed at 2024-05-07+02:00
The Charter already exists in the choosen Collection
Please wait copying Charter, dialog will close at success