Universitätsarchiv Wien, UAW Cod. Med 1.4 AFM 1558-1605
[14. November 1603] I. congregatio. Die 14. Novembris fuit plena dominorum doctorum congregatio, in qua primo acta decanatus venerandi domini senioris exdecani lecta fuerunt et approbata, ut libro actorum inscriberentur.
Secundo, Joanni Klele, pharmacopoeo ad officinam coeruleam petenti per supplicem libellum facultatem dispensandi et componendi theriacam Andromachi inclyta facultas noluit annuere, tum quod tempus non esset idoneum ad talem compositionem, tum quod is prae coeteris pharmacopoeis fuerit semper sitque adhuc inclytae facultatis779 statutis contrarius et inobediens.
Tertio, domino Paulo Gryllo,780 philosophiae et medicinae doctori supplicanti pro facultate repetendi assignatus fuit sorte aphor. 20 sect. II Hippocratis. Qui solvit facultati 6 flor., unicuique dominorum doctorum 3 flor. et totidem pedello.
- Acta Facultatis Medicae Universitatis Vindobonensis Vol. 4, Leopold Senfelder, 1908
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
