Universitätsarchiv Wien, UAW Cod. Med 1.4 AFM 1558-1605
[12. Jänner 1566] Secundam congregationem celebravi 12. Januarii, in qua propositi fuerunt tres articuli: [fol. 60r]
Primus erat de certo loco pro celebranda anatome juxta institutionem novae reformationis. Petivi enim praecedentibus diebus nomine totius facultatis a magnifico domino rectore et consistorio, ut certum locum nobis designarent et nominatim pro illo auditorio, quod in medio aliorum duorum auditoriorum sub aula universitatis situm est rogavi.
Sed decanus facultatis artisticae nomine magistrorum se mihi apposuit, quia videlicet locus ille facultatis artisticae proprius esset. Cui ego respondi, non illum tantum locum sed et totam illam domum facultatis olim communem ab universitate ipsi facultati artisticae donatam esse, ea tamen conditione et lege servata, ut reliquis facultatibus liberum sit, ibidem etiam sua exercitia celebrare et peragere, id quod literae donationis ostendunt. Artistae tamen cedere noluerunt. Itaque in hac congregatione conclusum fuit, ut denuo d. decanum facultatis artisticae de hoc negotio compellarem et si denegaret hunc locum, a dno rectore et consistorio decretum super hoc mihi dari peterem. Cumque secundario repulsam passus essem a praedicto decano, tandem decretum a rectore et consistorio impetravi, quod ita sonat et ad acta repositum est.
Decretum inter medicam et artisticam facultatem universitatis Viennensis:
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
