[16. November 1558] 16. Novemb. per scriptum interrogavi D. Doctores magnificos, an D. Doctor Paulus Weydner posset admitti. Decretum est, quod possit modo veniret petitum. Venit, petiit 26. Novemb. Impositum est ei, ut disputaret. Disputavit atque id, quod modo dixi solvit.

De reliquis sumtibus intercedente rege serenissimo Maximiliane nostro dispensatum est ut vocant vulgo3 ita ut neque d. doctoribus neque aerario illud, quod moris vel legis potius est daret. Ea autem hoc de causa factum est, quod serenissimus Bohemorum rex Maximilianus obtulerit christiano zelo motus, se collegio medicorum, quicquid deberetur hujus nomine persoluturum, quod quidem d. doctores modestia ac reverentia moti sapienti consilio accipere noluerunt. In hac congregatione expendi 7 patzos 1 cruc.

Do. Doctor Paulus Weidner (quamvis et hoc respectu sereniss. regis Maximiliani recusarint) do. doctoribus iis III., qui interfuerunt disputationi ipsius convivium paravit egregium in feriis nataliciis. [fol. 3r]

Dominus Doctor Andreas Praun post publicam disputationem, quae ei petenti ante fuit imposita, comparuit apud inclytam facultatem, petiit ad consilia ac emolumenta recipi. Receptus est, solvit aerario 6 flor. Renens., ante disputationem cuilibet doctorum solvit tres flor. et pedello 3 flor. De sex solidis super annotatum est.