Universitätsarchiv Wien, UAW Cod. Med 1.4 AFM 1558-1605
[26. Juli 1570] XI. Congregatio 26. Julii. Balneatores miserunt ad nos pro priori chirurgo, qui ineptus erat, alium judicandum et examinandum, cujus nomen Georg Frey von Straubing, qui per D. Reisacherum et D. Cornarium (quem D. Caspar substituerat) examinatus est et quia melius respondit quam prior, Friedericus scilicet et antea quoque hanc chirurgiam exercuit, approbatus est.
Deinde proposui facultati severum et inconsuetum regiminis decretum de personis infectis pridie ad nos transmissum, quod in actis est N° XIV. Conclusit facultas, regimini esse informationem et excusationem hac de re dandam, qua et morborum nunc vagantium genera declarentur et ad objectas inobedientiae notas modeste respondeatur. Haec igitur informatio regimini per me oblata illic acceptata est et ad registraturam camerae asservata. Exemplum informationis hujus est N° XV.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
