[14. April 1459] 14. die Aprilis quartum continuo electus est rector do. Georgius Eder ob studium in rempublicam.

Dionisius Puelerus medicinae studiosus, lectionum sedulus et frequens auditor nunc demum inscriptus est, dedit 15 cruc. [fol. 4v]

Ego 14 die Aprilis congregatione coacta officium resignavi. Electus est autem in successorem D. Doct. magnificus Wolffgangus Lazius caesaris historiographus et consiliarius.

Proposui ex jussu magnifici do. rectoris de renovando auditorio medicorum, sed rejecta est ejus rei cura in dominum decanum sequentem.

Quis status reipublicae fuerit ex actis gymnasii cognoscere licebit, praesertim ex eo libro, quem do: rector mag. Gymnasio nostro dono dedit, in quo omnia, quae contra cives acta sunt pro defensione scholae nostrae, privilegiorumque ac libertatum continentur.

Dedi in hac congregatione pro pane vinoque 10 patziones 1 cruc.

Quia propter varia impedimenta serius a me rationes accepit do: successor, data est mihi cura renovandi auditorium medicorum et quidem pro parietibus dealbandis et pavimento instaurando dedi 6 solidos, pro lavandis scammis 3 patzones, pro novis scammis, clavis, glutino, asseribus et laboribus fabrorum lignariorum exposui 10 flor. 4 solidos.

Reddidi rationes mag. Do. Doctori Lazio:

In perceptis fuerunt. flor. 29 sol. 4 num. 24

In expensis. flor. 14 sol. 4 num. 14

Summam restantem illi tradidi. flor. 15 sol. 0 num. 10.

Finis. [fol. 5r]8

Hanc pecuniam ego Wolfgangus Lazius ut reddita ratio fuit coram congregata facultate accepi innumerato, id quod apud posteritatem protestor. Hac ipsa summa talerum pedello idem dominus antecessor meus numeravit, qui defalcandus est de praedicta summa restanti, ita ut remanserint XIII. flor. Rhen. 1. cruc. X. nummi.

Wolfgangus Lazius M. D. et ord. S. Caes. M. consil. et historiographus m. p.9