Universitätsarchiv Wien, UAW Cod. Med 1.4 AFM 1558-1605
[8. Dezember 1562] Quinta congregatio habita VIII. die Decembris in archiducali collegio, in qua quidam medicinae studiosus nomine Prandesides Pohemus petiit ad examen pro gradu baccalaureatus in arte medica.
Qui cum a facultate examinatus, omnium doctorum consensu admissus ac statim ut consuetum est, per me Doctorem Spitaller est creatus baccalaureus, numeravitque juxta novam reformationem examinatoribus viginti duos solides, quos praesentes doctores statim in aequales partes inter se diviserunt. Facultati vero seu communi aerario idem baccalaureus dedit decem solides, quos cum consensu mag. viri Dni Doctoris Wolfgangi Lazii sacratiss. Romanorum imperatoris consiliarii et historici, hujusque archigimnasii Viennensis superintendentis digniss. una cum duobis talleris ad editionem carminum in adventum christianiss. ac serenissimi Maximiliani Romanorum et Bohemiae regis inclitum collegium medicum contribuit.
Hoc mense celebrata est anathomia lectore et demonstratore Doctore Casparo Pirchpachio, sectore vero Johanne Aycholzio.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
