Universitätsarchiv Wien, UAW Cod. Med 1.4 AFM 1558-1605
[3. April 1581] Item 3. Aprilis ex consensu facultatis examinatus est lytothomus Leonhardus Schueller. Respondit mediocriter, admissus est, juravit solvitque 3 flor. Examinatores erant D. Perger, Benjamin, Cornarius, Lubanus. Datum est illi testimonium. [fol. 264v]
Postremo cum magnificus et clarissimus vir D. D. Martinus Stopius ex collegio medicorum in rectorem universitatis Viennensis designatus, ob ardua sua negotia privata sine maximo rerum suarum dispendio officium ad finem usque non posset administrare et 17. Martii in pleno consistorio venia impetrata debitaque cum gratiarum actione officium rectoris resignasset, mihique invito idipsum a venerabili consistorio esset impositum, tandem 15. Aprilis cum D. D. Stopius rector Lyntzii podalgia affectus non potuit officio solemni ritu renunciare, ego, qua par erat reverentia nomine clarissimi viri D. D. Stopii resignavi eodemque die more consueto pro eligendo novo decano congregationem indixi.
- Acta Facultatis Medicae Universitatis Vindobonensis Vol. 4, Leopold Senfelder, 1908
Acta facultatis medicae Vindobonensis 1.4.702, in: Monasterium.net, URL </mom/AFM/1.4.702/charter>, accessed at 2024-05-02+02:00
The Charter already exists in the choosen Collection
Please wait copying Charter, dialog will close at success