Universitätsarchiv Wien, UAW Cod. Med 1.4 AFM 1558-1605
[15. Juni 1581] Die XV. Junii ex sententia omnium d. doctorum inclytae medicae facultatis tribus vocatis D. D. Benjamino, Caspare Pyrbachio, et Fetzio, ex quibus in hospitio meo D. D. Fetzius tantum comparuit, vocavi D. D. Andream Ebersdorferum et serenissimi principis Ernesti decretum praelegi, copias dedi, et ut a nostris congregationibus se contineat mandavi, qui omnem obedientiam se praestiturum respondebat, ut patet not. A.
Eadem die vocavi dominum Zeitvogelium magistrum sanitatis et sententiam definitivam omnium d. doctorum, [fol. 266r] qui tum aderant indicavi, ut scilicet quo se velit conferre quando velit ad officium redire quem suum in locum substituit, denominare velit. Qui cum excellent. D. D. Pergero se acturum dixit, ut magistri sanitatis provinciam suscipiat.
Eodem die Junii scriptum meum, an ne Johannis Frisii de podagra libellus imprimi a Stephane Creuzer liceat, rediit et mihi a pedello datum et ex votis sententiaque facultatis medicae comperi, informandum esse sacrum regimen, libellum non esse dignum, ut imprimatur, quam mag. d. rectori scripto dedi informationem in venerabili consistorio XX. Junii anno MDLXXXI ut in not. B. latius declarabitur scriptis.
- Acta Facultatis Medicae Universitatis Vindobonensis Vol. 4, Leopold Senfelder, 1908
Acta facultatis medicae Vindobonensis 1.4.708, in: Monasterium.net, URL </mom/AFM/1.4.708/charter>, accessed at 2024-05-02+02:00
The Charter already exists in the choosen Collection
Please wait copying Charter, dialog will close at success