[10. September 1590] Wendel Juden fürzuhalten daneben ernstlich aufzulegen das Ehr sich vermüg der kayserlichen Privilegien gewisslich für die allhieige Facultet Medicorum stelle und derselben Censur sich undergebe oder aber von yetzo an aller ferrer Cura gäntzlichen enthalte und Regierung zu mehrerm Einsehen nit verursachen. 10. Septembris anno 90.621

Quod decretum per apparitorem regiminis Matthiam Singer ipsi Judaeo redditum. Eundemque Ebreum statim pro authoritate inclytae facultatis iisdemmet decreti verbis ad facultatem in aedes decani ad 18. Septembris scripto citavi. Verum nebulo iste a pedello scriptum meum accipere noluit obstinate contemnendo inquens se non cum facultate sed in aula jus suum agere. Id supplicatione nova deferens ad excelsum regimen responsi nihil ob ferias intervenientes obtinui successori post me sollicitanda relinquens.

Quemadmodum autem ut hoc colophonis loco addam nulla causa tam iniqua tamque injusta quin auro ac argento possit rectificari ita et nobis in hac cum Judaeo isto controversia usum venit. Quotiescunque enim scripta facultatis domino cancellario regiminis secretariis aliisquo magnatibus obtuli quos magnos nostros patronos esse arbitrabat ipsique id prolixe ac splendide summa cum humanitate promiserant tamen Judaeus animos illorum technis suis adeo praeoccupaverat devinxeratque ut supplicationes nostrae vel abjectae vel suppressae ad aliquas septimanas tenerentur vel si responso aliquo dotarentur ex cancellaria subtraherentur amitterenturque. Ipsique Judaeo primum deinde post aliqua intervalla [fol. 326r] (ubi nimirum is mendacia sua commodo disposuisset seseque meminisset) in cancellaria demum inventae nobis tandem satia serio sunt transmissae ac redditae ut merito cum Galeno nostro dolere ac detestari possimus talia pseudomedicorum monstra magnatum fraude violenter viris bonis ac doctis praeferri. Et haec de nefario Ebraeo.

Peracto ita meo decanatu renuntiatoque pluralitas votorum in decanum elegit magnificum atque clarissimum virum D. D. Thomam Hausteinium cui supplectilem facultatis in exordio notatam per pedellum bona fide transmisi:

Sequuntur rationes acceptorum et expensorum:

Ab antecessore in ladula accepi: 1 flor. 2 sol. 24 num.

id est. 1 flor. 21 cruc.

A D. Binello 34 flor. distributi illi quinque doctoribus cuilibet 6 flor. 48 cruc. restat 0.

A Mag. Burgero 15 flor. 10 cruc.

Inter septem doctores cuilibet 2 flor. 10 cruc. restat 0.

A D. Ezechiele Biverello cuilibet doctori 3 flor. distributi isti sunt singulis.

Idem dedit ad facultatem 6 flor. pro inscriptione 1 flor.

A Christophoro Padaun chirurgo 3 flor.,

a Joanne Kaskio baccalaureo promoto 4 flor.,

a Joanne Planckmüller examinato 5 flor.

Si jam quae distributa sunt relinquas ex numerata pecunia a compute residuum summa fiet 20 flor. 21 cruc.

Ab illa pedello salarium 2 flor. 20 cruc. tum distributi septem doctoribus cuilibet 2 flor. 34 cruc. restant 2 cruc. [fol. 327r]622

[1590/ 1591]