Universitätsarchiv Wien, UAW Cod. Med 1.5 AFM 1605-1676
[7. Mai 1610] VII. die mensis Mai postquam fecisset D. Pastorius professionem fidei libelo supplici B. admitti ad consilia facultatis petit. Et quia simul tunc negotium privilegiorum quae noviter inclyta facultas nostra a serenissimo rege Hungariae Matthia 11. archiduce Austriae etc. post diligentem et longam solicitudinem tandem impetraverat summopere urgeret ut de his mutuo conversaremur et deliberaremus [fol. 31 v] oretenus congregationem ad 12. Mai indixi in qua primo D. Pastorius facto solito Juramento et praestitis praestandis ad consilia facultatis admittebatur. Solvit pro admissione sol. 6 et quia etiam unicuique doctorum flor 1. pro convivio solvere debuisset cum ipso ut hanc simul cum illa pecunia quam pro repetitione adhuc deberet ad terminum statutum deponeret dispensatum est.
Secundo lecta sunt atque ut libro actorum inscriberentur comprobata fuerunt duorum decanatuum acta D. D. Joannis Petri Magni etc. Tertio propositum fuit negotium privilegiorum nostrorum qua ratione id disponendum ut
68 Notiz am Seitenrand: Pecuniam hanc mihi debitam dono dedi facultati.
effectum eorundem pro intentione nostra consequi valeamus.
Conclusum est hoc negotium prorogandum esse donec comitia hic in Austria finirentur.
Interim cum pharmacopoeis blande caute tamen agendum si forte ita in sententiam
nostram facilius trahi possint tandem omnes convocandos esse ad plenam
congregationem.
Quarto quia dominus secretarius Grapler in acquirendis novis privilegis nostris suam
operam egregie contulisset facultas pro honorario decrevit 20 flor. Rhen. ut vas
argenteum deauratum ipsi donandum emeretur. Et quia in aerario nullae essent
pecuniae ad instantiam facultatis ego interim deputatos viginti flor. facultati mutuo
dare(!) emi duas pateras elegantes sat et domino secretario nomine inclytae
facultatis praesentavi qui eas cum gratiarum actione accepit promittens etiam in
posterum erga facultatem omno suum studium.
Quinto in eadem congregatione lectus fuit supplex libellus Christiani Habersack
chirurgi quo exhibitis simul tam natalitiis quam disciplinae literis ad solitum examen
siquidem haeredum Kraus in foro equorum veteri emisset admitti petiit.
Visis ergo et perlectis testimoniis in ejus petitionem dummodo per duos chirurgiae
magistros praesentaretur et ex more praestanda praestaret facultas inclyta
benigne consensit.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.100, in: Monasterium.net, URL </mom/AFM/1.5.100/charter>, accessed at 2024-05-07+02:00
The Charter already exists in the choosen Collection
Please wait copying Charter, dialog will close at success