[12. November 1664] VIII. congregatio XII. Novembris. D. D. Gremion Monspeli promotus supplicat pro actu repetitionis et admissus est.

Tarquinius Roma Neapolitanus circumforaneus libelo supplici rogat l^mo ut sibi liceat medicamenta et praesertim Orvietanum suum ut vocat his nundinis non tantum sed etiam postea vendere 2^do ei proba concedatur publica sumendi venenum quod praefato alexipharmaco depelere cupit.

Responsum 1 ° licere ei sua medicamenta hisce nundinis vendere non autem iis exspiratis 2^do cum constet ejusmodi homines mille modis plebi praesertim imponere hinc ei proba non concedenda. [fol. 322v]

Motum fuit pharmacopoeos in quadam congregatione inter se conclusisse ut imposterum eorum nullus visitationis tempore quidpiam calidi apponat cum decretum a regimine ante annum transmissum id prohibeat. Conclusum cum antiquatam hanc consuetudinem et reverentiam erga facultatem abrogatam velint manifeste apparere id ex superbia vel invidia accidere hinc non neglectae commessationis ratione sed debitae reverentiae intermissae causa esse reprehendendos. Sed cum quidam pharmacopoeorum adverterent apprehendere hoc facultatem et quasi pro despectu habere mutarunt mentem quanquam etiam tunc dom. doctores unius et alterius paratum prandium totaliter recusarent. Visitatae etiam hoc tempore omnia pharmacopolia et sat bene instructa reperta sunt.