[8. April 1666] VII. congregatio 8. Aprilis. Lectum est decretum regiminis quo petit ut medicis pharmacopolis chirurgis et balneatoribus constituatur certa taxa et medici proponant quid pro visitatione velint sumere.

Conclusum quod magni domini qui medicos solvere deberent minimum dent et si unius opera aliquamdiu usi fuerunt ne aliquid solvere teneantur utuntur alterius. Praeterea facultas plurimum ruinata est per agyrtas et medicos extra facultatem ut Grameson, Ottonem in Aspern, Billiot qui maximam a patientibus pecuniae summam extorserunt etiam connivente regimine et interea ab omnibus contributionibus semper fuerunt liberi. lllustrissimus status antecedenter aluit quatuor medicos jam uni totum attribuunt. Accedit quod differentia morborum agenda sit an gravis levis malignus. Nisi hae difficultates fuerint sublatae taxam fieri non posse.

Paulus Christophorus Trener pharmacopola ad signum trunci petiit examinari quod factum est 30. Aprilis. Examinatores fuerunt D. D. Mannagetta, Czaschelius, Sorbait, Kremer; pharmacopolae ad aureum cervum Miller et alius Miler ad aethiopem. D. Rhöe petiit sessionem et admissus est.