[20. Oktober 1667] Die 20. visitavimus duos materialistas nempe ad aureum unicornu et Aquilini. Priori pixides ex theriaca arrepimus et quaedam alia vetusta rejecimus imposuimusque illis ne imposterum sub gravi poena theriacam unciatim non approbatam venderent item non venderent arsenicum pulveratum vel alia purgantia. Nota per hunc actum facultatis jurisdictionem quae a multis annis latuerat redintegratam esse et materialistas facultatis poenae arbitrariae subesse uti idem in privilegiis caesareis art. 7. bene provisum est.