Universitätsarchiv Wien, UAW Cod. Med 1.5 AFM 1605-1676
[10. November 1667] Die 10. Novembris diu sollicitata facultatis privilegia renovata et a multa ferrugine mundata et confirmata recepimus.154 Maria Barbara Kesserin adjutrix apud Rosinam Schafferin unam ex senioribus inscripta fuit 8. Novembris jam tamen a duobus annis est in disciplina. [fol. 337v] Quandoquidem per decretum mandaverat clementissimus imperator regimini ut nostra nuper confirmata et aucta privilegia tueretur supplicavimus ut secundum eorum contentum Billiotte cum socio et plurimi alii exterminarentur. Adnuit regimen responditque ut eorum nomina et habitationes manifestaremus quod sub sequenti decanatu faciendum.
Nota quod quidam meticulosi nimis decani in summum facultatis praejudicium in consiliis personae medicis cesserint. Ego autem hoc praejudicium omnino delevi et definitivam semper in multis consiliis habui idque jure merito quia omnes etiam extrafacultistae medici personae sunt nostrae jurisdictioni et instantiae subjecti. Fuit examinatus inspector aegrorum et mortuorum et bene substitit.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.1091, in: Monasterium.net, URL </mom/AFM/1.5.1091/charter>, accessed at 2024-05-03+02:00
The Charter already exists in the choosen Collection
Please wait copying Charter, dialog will close at success